Cemil Oguz
Berî her tiştî divê bêjim yek ji beşa ku ez ji Festîvala Fîlman a Stenbolê her li bendê me beşa Pêşbaziya Belgefîlmên Mafên Mirovan in. Her sal gelek belgefîlmên serketî di vê beşê de têne pêşkêşkirin û hema bêje her sal nîvê yên hatine pêşkêşkirin ez lê temaşe dikim. Îsal jî vaye hat û di vê beşê de 10 fîlm hene.
Festîvala Fîlman a Navneteweyî ya Stenbolê îsal 38'emîn car di navbera 5-16'ê avrêlê de li dar dikeve. Ev beşa ku niha em derdixin pêş di nav xwe de 10 fîlm-belgefîlmên ji welatên cur bi cur anîne hene. Festîval ji sala 2007'an ve vê beşê ligel Eurimages li dar dixe. Armanc ew e ku di warê mafên mirovan de zanîn û bihestiyariyê derxe pêş û ev mijara mafên mirovan bêş bê fêmkirin. Her wiha di vê beşê de fîlmê bi ser bikeve jî bi 5 hezar Euroyî tê xelatkirin.
Emê ji nav vê çend fîlman derxin pêş û paşê hemû lîsteyê pêşkêşî we bikin. Fîlmê me yê yekem ku di serê lîsteya me de cih digire "Marighella" ye. Paşê "Decembers" û "Another Day Of Life" tên. Di vê beşê de ji Tirkiyeyê jî fîlmekî heye: "Saf" (Derhêner Ali Vatansever)
'Marighella'
Fîlmê bi navê "Marighella' yekem car li Festîvala Fîlman a Berlînê hat nîşandayîn. Fîlmê çîroka jiyana marksîstê brezîlî, aktîvîstê îdeolog, siyasetmedar Carlos Marighella tîne ziman. Marighella di salên 1960'an de li hemberî dîktayê têkoşîn da. Di fîlm de Seu Jorge rola Marighella girtiye ser milên xwe. Fîlm temaşevanan dibe salên dawî yên jiyana Marighellayê ku di sala 1969'an de hatibû kiştin. Wagner Moura ku hunermend, rojnameger, lîstikvan e ku di rêzefîlmê Narcos de bi rola Escobar derketibû pêş kamerayê vê carê wekî derhêner li pişt kamerayê ye.
'Decembers'
Fîlmê derhêner Enrique Castro Rios ê bi navê "Decembers" bi navê "Aralik'ta" (Di Berfanbarê de) li tirkî wergerandine. Di berfanbara 1989'an de dema DYA Panamayê dagir dike rojnamegerek fotokêş tê kuştin. Piştî 10 salan xeyaleta wî ji bo çareserkirina hin pirsgirêkên li nav malbatê tê. Derhêner Rios ji çîroka malbata xwe ketiye rê û di fîlm de dikeve dû çîroka rojnamegerê spanyol ê bi naıvê Juantxu Rodriguez.
'Another Day Of Life'
Fîlmê bi navê "Another Day Of Life" ji aliyê derhêner Raul De La Fuente û derhêner Damian Nenow ve hatiye bi rê ve birin. Di sala 1970 de dema li Angolayê şerê navxweyî çebû rojnamegerê îdîalîst ê ji Polonyayê Ryszard Kapuscinski ji bo şopandina bûyeran diçe wir. Fîlm bi ser çîroka wî re berê kamerayê dide wê demê.
Vane hemû fîlmên vê beşê*:
-Aralık’ta / Decembers / Di Berfanbarê de / Derhêner Enrique Castro Ríos
- Damien Dunyayi Degiştirmek İstiyor / Damien veut changer le monde / Damien Dixwaze Dinyayê Biguherîne / Derhêner Xavier De Choudens
- Hayattan Bir Gun Daha / Another Day of Life / Roje ji jiyanê / Derhêner Raúl De La Fuente & Damian Nenow
- Melekler Işiktan Yaratilmiştir / Felek ji ronahiyê hatine çêkirin / Angels Are Made of Light / DerHêner James Longley
- Dişil Haz / Female Pleasure / Zewqa Mêtî / Derhêner Barbara Miller
- Dunya Yanarken Ne Yapacaksin? / What You Gonna Do When the World’s on Fire? / Dema dinya bişewite tuyê çi bikî? / Derhêner Roberto Minervini
- Marighella / Derhêner Wagner Moura
- Joy / Derhêner Sudabeh Mortezai
- Angelo / Derhêner Markus Schleinzer
- Saf / Derhêner Ali Vatansever
*Ji bo temaşevan bi rehetî bibînin me navên wan ê tirkî jî weşandin.
***
Nûçeyên Eleqedar:
- Şahiya fîlman tê: Bernameya Festîvala Fîlman a Stenbolê hat eşkere kirin
- Xelatgirên Berlînê tên Stenbolê
- '10 Jin' bi awayê restorekirî tê nîşandayîn
- Fîlmên Kubrick li Stenbolê dê bêne nîşandayîn
- Festîvala Stenbolê Xelatgirên Sînemayê eşkere kirin
- Serîlêdanên ji bo Festîvala Stenbolê dest pê kirin
***
REKLAM:
Ji bo bilêtên balafiran hûn dikarin serî li vir bidin...