Diyarname
Sal 2008, sal 2010 û sal 2012, Spanya careke din Şampiyon e. Êdî dîrok di destê Spanyayê de ye.

Di maça fînalê ya Euro 2012'yan de Spanya û Îtalya derketin pêşberî hev. Erê favorî Spanya bû, lê Îtalyaya ku favoriyek din ALmanya têk biribû gelo dikarî zor li Spanyayê bibe? Bersiva vê pirsê li Stada Olîmpîk hate dayîn. Spanya wekî her gav lîstika xwe lîst. Di deqîqeya 14'an de bi Silva got ez heme û di deqîqeya 41'ê de di pasa Xavi de Jordi Alba mohra xwe li nîveka yekemîn a maçê da: 2-0.
Di nîveka duyem de jî Spanya heman Spanya bû. Lê bêsiûdiyeke Îtalyayê jî hebû: Di deqîqeya 56'an de Thiago Motta ket maçê û bi vê yekê Îtalyayê mafê xwe yê guherandina lîstiknan temam kir û ev Motto di deqîqeya 65'an de seqet bû. Piştî vê deqîqeyê û heta dawiya maçê Îtalyayê bi 10 kesan lîst. Îtalyaya ku li hemberî Spanyayê bi zorê li ber xwe dida, bi vê yekê jixwe tam ji taqetê ket. Û di deqîqeya 84'an de gola Torres hat. Di deqîqeya 90'î de jî Mata gol avêt û lîstik bi 4-0 bi dawî bû.

Hin rekor
- Spanya piştî Euro 2008, Kûpaya Cîhanê 2010, niha jî di Euro 2012'yan de bi ser ket û bû yekemîn tîm ku di sê tûrnûvayên mezin de, li dû hev sê caran dibe şampiyon.
- Qeleciyê Spanyayê Îker Casillas wekî kaptan derket sehayê û bi serketinê re wî kûpa bilind kir. Bi vê yekê di dîroka şampiyonaya Ewropa de yekem car qeleciyekî wekî kaptan kûpayê bilind dike.
- Xavi bi pasên xwe yên ku dida di vê tûrnûvayê de bû yekemîn kes ku herî zêde pas dane.
- Di nav hemû tîman de lîstikvanê Spanyayê Iniesta bi jîrekiya xwe bala hemû kesî kişand.
- Spanyayê di dawiya 6 maçan de bi giştî 50 mîlyon lîra pere bi dest xist.
- Teknîk Dîrektorê Spanyayê Vicente Del Bosque piştî Kûpaya Dinyayê ya FÎFA'yê, Lîga Şampiyonan, Kûpaya Navparzemînan, vê carê jî Kûpaya Şampiyonaya Fûtbolê ya Ewropayê bi dest xist û bû yekemîn tekdîk dîrektor (di warê teknîk dîrektorên tîmên neteweyî de) ku di vî warî de çar kûpayan bi dest dixe.
Teknîk Dîrektorê Barselonayê yê berê Pep Guardiola di warê klûban de kûpaya Lîga Şampiyonan, Kûpaya Sûper a UEFA'yê û Kûpaya Navparzemînan bi dest xistibû.
- Bi vê 4-0'ê Spanya di dîroka vê kûpayê de rekora skorê bi dest xist. Berî vê Almanyayê di Euro 1972'yan de bi 3-0 SSCB têk biribû. Spanyayê îşev ev rekor şikand.
- Fernando Tores di Euro 2008 de jî, di Euro 2012 de jî gol avêt û bû yekemîn lîstikvan ku di 2 Şampiyonayên Ewropa yên cuda de gol diavêje. Torres di Şampiyonayên Ewropa de bû 5 golan diavêje û bi vê hejmarê. Di dîroka Spanyayê de jî kesî bi qasî Torres ew qas gol neavêtine.
- Tîma Neteweyî ya Spanyayê wekî ku tîma Barselonayê be. Jordi Alba jî di nav de ji Barselonayê 6 lîstikvan di maça fînalê de lîstin.

Kunyeya maçê:

Spanya 4 - Îtalya 0
Stat: Olimpik Stadyum
Hakêm: Pedro Proença, Bertino Miranda, Ricardo Santos (Portekîz)

Spanya: Casillas, Jordi Alba, Sergio Ramos, Pique, Arbeloa, Xabi Alonso, Busquets, Xavi Hernandez, Fabregas (Dq. 76 Torres), Iniesta (qk. 87 Juan Mata), David Silva (Dq. 59 Pedro)
Teknîk Dîrektor: Del Bosque

Îtalya: Buffon, Abate, Barzagli, Bonucci, Chiellini (Dq. 22 Balzaretti), Pirlo, Marchisio, Montolivo (Dq. 57 Motta), De Rossi, Balotelli, Cassano (Dq. 46 Di Natale)
Teknîk Dîrektor: Claudio Cesare Prandelli

Gol: Dq. 14 David Silva, Dq. 41 Jordi Alba, Dq. 84 Fernando Torres, Dq. 88 Juan Mata