AMED
Çalakiya greva birçûbûnê ku mebûsên BDP'ê yên girtî dabûn dest pê kirin, şaredarên BDP'ê jî niha beşdarî vê çalakiyê bûn. Li ser navê 98 şaredarên BDP'ê, Şaredarê Bajarê Mezin ê Amedê Osman Baydemîr daxuyanî da û wiha got: "Heta ku Ocalan li girtîgehê be, hûn nikarin ji nava gelê kurd rêberekî din derxin. An ji me hemûyan re azadî, an jî me hemûyan bavêjin zindanê."

Rêxistina BDP'ê ya Amedê di 12'ê reşemiyê de li avahiya BDP'ê ya Kayapinara Amedê ji bo tecrîda li ser Serokê PKK'ê Abdullah Ocalan şermezar bike û dawî li operasyonên siyasî û leşkerî bên dest bi çalakiya gireva birçîbûnê kir û bi komên dorveger ev çalakî didome. Herî dawî koma ji 98 şaredarên BDP'ê pêk tê di roja 18'emîn de grev bi merasimekê dewr girt.

Şaredaran grev ji endamên Meclisa Giştî ya Bajar a Amedê, rêxistina BDP'a Farqînê, xwendekarên Zanîngeha Dîcleyê dewr girt. Şaredarên BDP'ê yên Wan, Colemêrg, Agirî, Îdir, Qers, Mûş, Bedlîs, Şirnex, Mêrdîn û bajarên din hatin li Amedê kom bûn û çalakî dewr girtin. 98 şaredarên ku tevî Şaredarê Wanê Bekîr Kaya û Şaredarê Bajarê Mezin ê Amedê Osman Baydemir grev dewir girtin. Şaredar, dê 2 rojan di girevê de bimînin.

Li ser navê şaredaran Şaredarê Bajarê Mezin ê Amedê Osman Baydamîr axivî û wiha got: "Em wekî şaredarên BDP'ê ji bo dîsa bêjin bila bi muzakereyan pirsgirêk çareser bibe dest bi gireva birçîbûnê dikin. Em dixwazin pirsgirêk bi rêya muzakere û aştiyek bi rûmet pirsgirêk çareser bibe. Desthilatiya AKP'ê bi rêbaza polîtîkayên salên 90'î nikare pirsgirêka kurd çareser bike. Şaredar, endamên meclisê û parlementerên bi vîna gel hatine hilbijartin tên girtin. Nûnerên saziyên gel, parêzer, rojnameger tên girtin. Hemû kesên muxalif tên girtin. An em ê hemû bi hev re azad bibin, an jî me hemûyan biavêjin zindanê. Heta ku nasname, ziman, çand û statuya gelê kurd neyê qebûlkirin û nehat ziman û çanda kurd azad nebe dê pirsgirêk bidome."

Baydemîr got gelê kurd li Ocalan xwedî derdikeve û wiha berdewam kir: "Heta ku Ocalan li girtîgehê be gelê kurd bi Ocalan re xiyanetê nake. Şêx Seîd rastî xiyanetê hat. Seyîd Riza rastî xiyanetê hat. Lê rêberên piştî wî qet dê rastî xiyanetê neyên. Pirsgirêka kurd bi tecrîd, operasyon û polîtîkayên 30 salan çareser nabin."
Baydemîr, bilêv kir ku bi girtinan pirsgirek çareser nabe û wiha berdewam kir: "Heta ku Ocalan li girtîgehê be, hûn nikarin ji nava gelê kurd rêberekî din derbixin. An ji me hemûyan re azadî, an jî me hemûyan bavêjin zindanê. Em naxwazin leşker, polîs, gerîla û tu kes bên kuştin. Em dixwazin pirsgirek bi aştî, diyalog û muzakereyan çareser bibe."