Wisa bifikirin: 10 deqe paşê bajarê ku hûn lê dijîn, em bibêjin Amed, bajarê dîrokî, yê ku hûn gelek jê hez dikin dê bi bombeyan bi hewa bikeve; temamê bajar wê têk here û pêre jî mîlyon û nîv mirov... Hûn dê çi bikin?
Sala 1944. Ji mehan, meha gelawêjê. 2'yemîn Şerê Cîhanê yê Dinyayê hê didome. Hîtler hê li ser kar e lê diyar e ku dê êdî ber bi têkçûnê ve here. Di demeke wisa de biryareke wisa digirin: Parîs dê bê tunekirin! Biryar teqez e û deh deqîqe paşê General Dietrich von Choltitz dê fermana xwe bide û êdî li ser rûyê dinyayê dê ciheke bi navê Parîs tune be. Ji bo vê yekê hemû pir, avahiya operayê, garên trênan, avahiyên dîrokî, her der... Bombeyan dixin bin her derê û li benda biryarê ne. Biryar jî dê di nav deh deqîqeyan de bê dayîn. Tam wê demê Mutefîk ber bi Parîsê ve ketine rê. Generalê alman Dietrich von Choltitz dê biryarê bide. Tam di dema li benda biryardayînekê ne balyozê Swêdê Raoul Nordling dikeve hundir û ligel Von Choltitz dikeve nîqaşa ku hêrs, kîn, rehm û bêrehmî dadikevin û bilind dibe... General biryara xirakirinê bide dê bajar têk here, biryara xwe betal bike dê zarokên wî li Almanyayê bêne darizandin, belkî bêne kuştin... Di dawiyê de dev ji biryardayînê ber dide û bajar li ser piyan dimîne.
Derhênerê navdar Volker Schlondorff ku xelata Palmiyeya Zêrîn jî di nav de bi fîlmên xwe gelek xelat girtine, li ser vê bûyera rastîn fîlmê bi navê "Dîplomasî" kişandiye. Fîlm yekem car di çarçoveya Festîvala Fîlman a Berlînê de hat nîşandayîn û niha jî bû mêvanê Festîvala Fîlman a Stenbolê.
Nîqaşa di navbera Dietrich von Choltitz (Niels Arestrup) û Raoul Nordling (Andre Dussollier) de û lîstikvaniya wan hêjayî temaşekirinê ye.
Fîlm ligel bêrehmiya biryara dîktatorek, di heman demê de fenekiya dîplomatek, pêre jî fikirîna têkçûna bajarek bi awayekî serketî nîşanî temaşevanan dide.
***
Festîvala Fîlman a Stenbolê 5'ê mehê dest pê kir û heta 20'ê mehê dê bidome. Min heta niha ji bilî Dîplomasî li fîlmên "PHILOMENA" (Derhêner: Stephen Frears. Wekî "Li dû hêviyê" wergerandine) û "Vegera li Humusê"(Derhêner: Talal Derki) jî temaşe kir. Ez dikim ku heta dawiya festîvalê li dor 15 heban temaşe bikim. Bi ya min her fîlm çîrokek, her fîlm dinyayek e. Ma ne tiştek xweş e mirov di nav wan dinyayan de winda bibe...
***
Wekî pêşniyar:
Belgefîlmên di çarçoveya "NTV Belgesel Kuşagi" (Beşa Belgefîlman a NTV) de têne nîşandayîn hêjayî temaşekirinê ne.
Di festîvalê de hin fîlm û belgefîlmên derhênerên kurd hene. Hêjane ku mirov bala xwe bide ser wan.
Her wiha, di gera li fîlmên balkêş de her kes dê bikaribe ji bo xwe fîlmekî/hin fîlmên balkêş bibîne. Ji ber ku festîval hilbijêreke mezin pêşbêş dike.
Di festîvalê de hin fîlm û belgefîlmên derhênerên kurd hene. Hêjane ku mirov bala xwe bide ser wan.
Her wiha, di gera li fîlmên balkêş de her kes dê bikaribe ji bo xwe fîlmekî/hin fîlmên balkêş bibîne. Ji ber ku festîval hilbijêreke mezin pêşbêş dike.
Kunye:
Dîplomasî:
Derhêner: Volker Schlöndorff
Senaryo. Cyril Gély, Volker Schlondorff
Derhênerê dîmenê: Michel Amathieu
Edît: Virginie Bruant
Muzîka taybet: Jorg Lemberg
Lîstikvan: André Dussollier, Niels Arestrup, Burghart Klaussner, Robert Stadlober, Charlie Nelson, Jean-Marc Roulot
Sazkar: Marc De Bayser, Frank Le Wita
Şîrketa sazkar: Film Oblige
Sala kişandinê: 2014
Mawe: 84 deqîqe
***
Nûçeyên li ser Festîvala Stenbolê ya Îsal:
- Di vekirina Festîvala Fîlman de ji bo Yilmaz Guney silav şandin
- Şahiya fîlman: Bernameya Festîvala Fîlman a Stenbolê eşkere bû
- Serokê Juriya Laleya Zêrîn diyar bû
- Festîvala Stenbolê li benda fîlman e
.jpg)
.jpg)
.jpg)
.jpg)
.jpg)
