Diyarname

Serokê Giştî yê berê yê HEP'ê, siyasetmedarê kurd Ferîdun Yazar ku ji ber kezebê li Enqereyê dihat tedawîkirin wefat kir. Cenazeyê Yazar dê bibin Rihayê û defin bikin.

Di pişika Yazar de demek berê qarsêr çêbûbû û li Nexweşxaneya Guven a li Enqereyê dihat dermankirin. Yazar îro destê sibê wefat kir. Hat gotin ku îro dê cenazeyê wî bibin Rihayê û li gundê Kuçukordekê bê definkirin. Li gor agahiyan dê merasîma cenazeyê Yazar ji hêla HDP û DBP'ê ve bê li darxistin û paşê bê definkirin.

Feridun Yazar kî ye? 

Feridun Yazar di sala 1944'an de li Rihayê hatiye dinê, di sala 1971'ê de ji ber doza DDKO'yê (Ocaxên Çanda Rojihilat a Şoreşgeran) hat girtin û li Girtîgeha Amedê ma. Di sala 1977'an de li Rihayê ji CHP'ê wekî şaredarê Rihayê hat hilbijartin. Di 12'ê Rezbera 1980'yan de ji peywîrê hat girtin û ew avêtin girtîgehê. Dema 7 wekîl ji SHP'ê hatin avêtin, wî jî bi 12 kesan re dest ji serokatiya bajêr berda. Dema HEP hat avaikirin Yazar bû Serokê Giştî yê HEP'ê. Di sala 1998'an de ji ber xala 8'emîn a Qanûna Têkoşîna Bi Terorê (TMY) re hat girtin. Yazar di pêvajoya avakirina Partiya Civaka Demokratîk (DTP) de jî cih girt.

Yazar herî dawî di hilbijartinên 1'ê sermaweza 2015'an de li Rihayê di rêza 6'an de berendamê wekîlî bû li ser navê HDP'ê lê nehat hilbijartin.

(Wêne: Ji dema xebata hilbijartinê, Ferîdun Yazar diaxive)