Diyarname

Ji bo 37'emîn Festîvala Fîlman a Stenbolê dema serîlêdanê dest pê kir. Kesên bixwazin fîlmên xwe bişînin divê heta 25'ê rêbandana 2018'an fîlmên xwe bigihînin ber destên amadekarên festîvalê

Weqfa Çand û Hunerê ya Stenbolê (İKSV) ji sala 1982'Yan ve vê festîvalê li dar dixe. Pêşî wekî Hefteya Sînemayê dest pê kir û her ku çû mezintir bû. Niha Festîvala Fîlman a Stenbolê yek ji festîvalên mezin a Tirkiyeyê ye. Festîval niha ji bo sala bê xwe amade dike. Festîvala 2018'an dê di navbera 6-17'ê avrêlê de li dar bikeve û kesên bixwazin fîlmên xwe bişînin ji niha de divê lez bikin. Ji bo Beşa Sînemaya Tirkiyeyê ji ser înternetê re jî dikarin serî lê bidin.

Di beşa Sînemaya Tirkiyeyê de beşên wekî Pêşbaziya Neteweyî, Sînemaya Nû ya Tirkiyeyê, Pêşbaziya Belgefîlmên Neteweyî û Pêşbaziya Kurtefîlman a Neteweyî hene. Di bin van beşan de dê berhemên ji Tirkiyeyê bêne nîşandayîn û bikevin pêşbaziyê. Di dawiya pêşbaziyê de jî dê xelat bêne belavkirin.

Di nav Lijneya Şêwrê ya Sînemaya Tirkiyeyê de nivîskarên sînemayê Engin Ertan, Nil Kural, Kaan Karsan û Esin Kuçuktepepinar hene.

Ji bo têkiliyê:

http://film.iksv.org