Diyarname

Kovara "Kurt Tarîhî" vê carê li ser meseleya lênêrîna Osmanî ya li "Kurdên Sadiq" û "Kurdên Wehşî" sekiniye. Di kovarê de gelek nivîsên din ên balkêş hene.

Kovara "Kurt Tarîhî" du mehan carekê bi tirkî weşanê dike. Kovarê hejmara xwe ya pûşper-tîrmehê gihand ber destên xwendevanên xwe. Kovara ku hejmara 13'yan derxist, bi vê hejmara xwe ket sala xwe ya 3'yan. Kovarê di vê hejmarê de jî nivîsên balkêş weşandine. Meseleya "Kurdê Sadiq" û "Kurdê Wehşî" ya ku Osmanî bi vî awayî li wan dinêrî derketiya berge kovarê. Yavuz Aykan li ser meseleyê nivîsiye.

Nihat Gultekîn li ser Radyoya Erîwanê bi sernavê "Çîrokê hişyarbûneke, Radyoya Erîwanê" pêşkêş kiriye û ketiye nav kîteyên pêvajoya radyoyê.

Di dîroka Osmanî de Ebu Suud Efendî (jiyan salên 1491-1574) xwedî cihek balkêş e. Wî bi ser 20'î re berhem weşadine û her wiha wekî "Şeyhul îslam" hatiye binavkirin. Lêkolîneran di dîroka Osmanî de ew wekî tirk dane nasîn lê kovarê di nivîsa bi sernavê "Ebu Suud Efendî û koka wî" weşandiye de îdîa kiriye ku ew kurd e. Kovarê di vî warî de nivîsa Mûrad Celalî bi wergera Janda Serfiraz ku ji kurdî wergerandiye tirkî weşandiye.

Evrim Karakaş jî "Bîranînên Dêrsimê yên Sadî Beg" nivîsandiye û dilopeke din xistiye nava gotinên li ser Dêrsimê heta niha hatine gotin.

Yek ji nivîsên balkêş a kovarê jî li ser kurdên cihû ye. Suleyman Şanli ji gernameyên gerokên serdema navîn ev lêkolîna xwe bi sernavê "Di çavkaniyên serdema navîn a klasîk de kurdên cihû" weşandiye.

Kovara navdar The Timesê di sala 1906'an de bi sernavê "Têkçûna Bedirxaniyan" nivîseke nivîsandibû. Ahmet Kardam bi ser vê nivîsê re bal kişandiye ser wê serdemê û sedemên têkçûna Bedirxaniyan aniye ziman ku ev nivîs yek ji nivîsên balkêştirîn a kovarê ye.

"Kurt Tarîhî" di hejmarên borî de li ser nexşeyên Kurdistanê yên kevn nivîseke weşandibû, di vê hejmarê de Mesûd Serfiraz ev mesele domandiye.

Sedat Ulugana jî "Medreseyên kurdên Konyayê û serdanên Seîdê Kurdî yên li Konyayê" nivîsa xwe pêşkêş kiriye.

Ji bo têkilî û xwestina kovarê:

www.kurttarihi.org

0532 173 25 09

kurttarihi@yahoo.com