Diyarname
"Rojên Belgefîlman ên Egeyê" ku di bin banê Zanîngeha Egeyê de li dar dikevin û bûne wekî kevneşopî îsal 7'emîn car li dar dikevin. Di nav bernameya îsal de fîlmê Kazim Oz ê hatibû xelatkirin "Hebû tune bû" jî heye.
Fakulteya Ragihandinê ya Zanîngeha Egeyê û Civata Xebatên Ragihandinê bi hev re Rojên Belgefîlman ên Egeyê li dar dixin. Ev xebata ku îsal dikeve 7 saliya xwe, îsal di navbera rojên 20-23'yê gulanê de li Sînema Kampus a Zanîngehê li dar dikeve.
Di çarçoveya van rojên belgefîlman de belgefîlm bê pere têne nîşandayîn. Nîşandayîna belgefîlman saet 11.00'an de dest pê dike û heta 19.00'an bê navber belgefîlm têne nîşandayîn. Di roja yekemîn de derhêner Reyan Tuvî ku belgefîlmê wî "Yeryuzu Aşkin Yuzu Oluncaya Dek”, di roja duyemîn de derhêner Biene Pilavci ku belgefîlmê wê “Tek Başina Dans” tê nîşandayîn, roja sêyemîn de jî Eylem Şen ku belgefîlma wê “Asfur” tê nîşandayîn, piştî nîşandayîna belgefîllm dê beşdarî gotûbêjê bibe.
Mijara bingehîn a rojên belgefîlman îsal "Gezî" ye û di vê çarçoveyê de hinek belgefîlmên rewşa Geziyê radixin ber çavan hene.
Yek ji nûbûneke ku îsal hatiye kirin ew e ku ji derveyî Tirkiyeyê fîlm xistine nava bernameyê. Yekem car tiştek wisa dibe. Fîlmê "Uzun Boylu Adam Mutlu Mu?: Noam Chomsky ile Canlandirma Bir Sohbet” (Mirojê bejndirêj dilşad e?: Ligel Noam Chomsky Sohbetek Zîndikirinê) ku di bin derhêneriya Michel Gondry de hatiye kişandin dê bê nîşandayîn.
Fîlmê Joshua Oppenheimer ê bi navê “The Act Of The Killing/ Çalakiya Kuştinê" ku li ser kuştina komunîst û muxalifan hatiye kişandin tê nîşandayîn. Her wiha belgefîlmê bi navê “Pussy Riot: Bir Punk Duasi” dê temaşevanan bibe heta Rusyaya Pûtîn; bi “The Square Meydan” jî dê temaşevan heta Meydana Tehrîrê herin. Bi “The Secret Capital” dê temaşevan herin gundên Misrê ku li wan deran şoreş hatiye jiyîn.
Fîlmê derhêner Kazim Oz "Hebû tune bû" ku di Festîvala Fîlman a Stenbolê de hem xelata taybet a juriyê girt, hem xelata Fibresci girt derdikeve pêşberî temaşevanan. Dîsa "O iklimde kalirdi acilar" ê Zeynel KOÇ û Cenk ORTULU ku balê dikişîne ser binçavkirin û windakirina li bajarên kurdan; belgefîlmê Kivilcim Akay ê bi navê "Bila daxwaza min aştî be" dê bê nîşandayîn. Ji bilî van di nav bernameyê de ev belgefîlm jî hene: “Tepecik Hayal Okulu’, ‘İstanbul Hayali’, ‘ Two At The Border/ Sinirdakiler’, ‘Yeryuzu Aşkin Yuzu Oluncaya Dek…’ , ‘Egitim Zayiati’, ‘Nefret’, ‘Tek Başına Dans’, ‘Firtina Emine’, ‘Negri İle İstanbul’da’, ‘Voltrans’, ‘Kulkedisi Degiliz’, ‘Ben Bir Slogan Buldum: Annem Benim Yanımda’, ‘Asfur’, ‘Sakli Dil’, ‘Garod’, ‘Babam, Devrim ve Ben’, ‘Karanligin Renkleri’, ‘Misafir’, ‘Antigoni Kuçuk Adamiz Hayatimiz’
Ji bo agahiyên berfirehtir: www.egebelgesel.com