Vedat Çetîn

Di roja 17’ê berfanbara 2013’yan de li nav desthilatdarên tirk nakokî an pevçûna mezin derket holê ku demeke direj e ev pevçûn heye. 

Piştî operasyona bêrêtî dolar û euro bilind bûn. Bankaya Navendî biryareke wergirt û bi mîlyonan dolar bi awayekî firot bazarê û midexeleya bilindbûna dolarê kir. Pey wî, mudexeleyê faîzê jî bû û faîz bilind bû. Hin pisporên aborî gotin, “bilindbûna faîzê ketina Erdogan e…” Lê ev îdîa di roja dahatî de ewê zelal bibe. Dibe ku Erdogan bikeve jî...

Ji ber ku di vê deme de dengê hêzên navnetewî bilind bû. Wisa tê xuyan ku êdî qedir û qîmete Erdogan li cem Dewletên Yekbûyî yên Amerîkayê (DYA) û Yekîtiya Ewropayê (YE)  nema ye. Hin sermayedarên desthilatdarên tirk jî carnan nerazîbûna xwe li hemberî hikumetê nîşan didin.

 AKP jî di nav daraz û polîsan de operasyoneke mezin da dest pê kirin û ev operasyon hê jî berdewam e. Hikumeta AKP’ê di nav qada dewletê de nûnerên Cemaetê tesbît kirine ku kesên berpirsiyar in an potansiyela tawanbarî, peywirê wan hildigirin û hildiçin. 

Wisa xuya dike ku ev pevçûn heta hilbijartina serokomariyê dê bidome.  

Bi rastî di vê bûyera hêza pevçûnê de hêzên neteweyên tirk (CHP) jî kozika xwe derketin û bi awayekî dizî an nefermî piştgriya xwe ji bo Cemaetê nîşan didin û ji bo hilbijartinê jî li gor vê yekê xwe amade dikin.  

Ji bo hilbijartina herêmî, ji bo Stenbolê Mustafa Sarigul û ji bo Enqereyê jî Mansur Yavaş nîşan da. Heke di vê hilbijartinê de dengê AKP’ê kêm bibin an bajarên wekî Stenbol û Enqere bikevin destê CHP’yê wê demê waneya Erdogan jî dê biguhere.

Sermayeyedarên tirk ev demeke direj e ji bo kesayetiya Erdogan û asotengkirina wî nerazîbûna xwe nîşan didan ku aniha ev hêzên sermayedar rola xwe dilîzin û astengî derdixin pêş Erdogan, ewê heta dawî ji derbixin. 

Stratejiya Erdogan ew bû: Di hilbijartina herêmî de bi hêz derkeve û li pey wî Zagona Bingehîn biguherîne, peywira serokomariyê berfireh bike û di hilbijartina serokomariyê de jî bi encameke serkeftî derkeve qada serokomarî. 

Hin sermayedarên tirk û hêzên navnetewî jî dixwazin Erdogan bibe serokomar lê bila bi peywira serokomarî ya niha razî be. Lê belê çavê Erdogan li cihê mezintir e. Peywira serokomariya aniha têra wî nake ku dixwaze bibe serokdewlet.

Li aliyê din ji tevgera kurd siyaseta xwe dimeşîne. Ji bo hilbijartina herêmî her roj meşa xwe xurt dike û bi îdîayeke mezin vê siyaseta xwe dimeşîne.

Di navbera pevçûna desthilatdaran de sekna xwe bi awayekî bêalî û bêalîbûnê diparêze. Ev bê alîbûn ji aliyê hin siyasetmedarên qunciknivîskar ve tê rexnekirin. Ev kes dibêjin ku, Îmralî û KCK-BDP ji aliyê Erdogan ve hildigrin û ne bêteref in. 

Li aliyê din Hevserokê KCK’ê birêz Bayik ji bo vê gotinê daxuyanî da çapamenî û got, “Di vê pevajoyê de Erdogan nebe jî ev pevajoya aştî dê berdewam bike.”

Di pêşeroja me de gelek nediyarî û surprîz dixuyin. Li alîkî pirsgirêka kurd û Kurdistanê heye û li aliyê din jî di nav desthilatdariya tirk de pevçûn û alozî…

Ev pevçûna desthilatî belkî bibe sedema enflasyonê, buhabûnê û guhertina siyaseta tirk. 

Lê bila nebe xirabûna pevajoya aştî…Bila şer ji nû ve destpêneke û bila siyaseta hêza demokrasî û azadî pêşbikeve. Bila riya azadiya Kurdistanê her tim vekirî be…

***

Nivîsa Vedat Çetin a ku berê di Diyarnameyê de hatiye weşandin:

- Rojava û Bakur li ser heman xêzê pêşve diçin