Diyarname

Fûara Huner û Antîkayê ya Stenbolê "IAAF" vebû. Di fûara ku 40 galerî û 35 kompaniyên antîkayan têde huner vekirine de hunermendê kurd Hakan Yaşar jî pêşangeha wêneyan vekiriye.

IAAF ku par vebûbû îsal dibe duyemîn car deriyên xwe vedike. Di fûarê de berhemên hunerî li benda hunerhezan in. Fûara îsal ku li Navenda Kongre ya Stenbolê û Qesra Kongre ya Lutfî Kirdar a li Harbiyeyê li dar ketiye de 40 galerî vebûne. Ligel van 35 kompaniyên antîka yên ji Tirkiye û derveyî Tirkiyeyê hatine fûarê. 

Di fûarê de tablo, wêneyên mînyatur, hunerên destxetî, berhemên kevnare/antîka hatine pêşkêş kirin. Pêşangeh heta êvara 7'ê mehê dê vekirî be.

Pêşangeha Hakan Yaşar

Hunermendê kurd Hakan Y aşar ku li Norwecê dijî bi berhemên xwe beşdarî pêşangehê bû. Yaşar bi tabloyên xwe yên portreyî, bi taybetî jî oto-portreya wî gelek balê dikiŞîne.

Hunermend Yaşar bi 32 berhemên xwe di pêşangehê de li benda hezkiriyên hunerê ye.
Hunermend Yaşar di sala 1976'an de li Konyayê hatiye dinê. Li Norwecê dijî, heta niha beşdarî gelek pêşangehên navneteweyî bûye.

35 kompaniyên ku berhemên dîrokî difiroşin di fûarê de cih vekirine.