Diyarname
Di Festîvala Fîlman a Venedîkê de derhênerê rus Aleksander Sokurov bi fîlmê xwe "Faust" xelata mezin a festîvalê "Şêrê Zêrîn" girt.

Festîval roja 31'ê gelawêjê bi nîşandayîna fîlmê "The Ides of March" ku derhêneriya wî George Clooney kiribû dest pê kir û bi merasima xelatdayînê bi dawî bû. Di festîvalê de Sokurov bi fîlmê xwe "Faust" bi ser ket.
Xelata "Şêrê Zîvîn" ku didin derhênerê herî serketî jî dan derhênerê çînî Shangjun Cai ku Cai bi fîlmê xwe "People Mountain People Sea" ev xelat bi dest xist.

Di festîvalê de Xelata Lîstikvanê Herî Serketî lîstikvanê îrlandî Michael Fassbender bi rola xwe ya di "Shame" de girt. Fassbender di nav lîstikvanên ku pêşeroja wan ronî de ye tê hesibandin.
 Xelata Lîstikvana Herî Serketî jî lîstikvana çînê Deanie Yip bi rola xwe ya di fîlmê "Tao Jie" de girt.

Serokatiya Juriyê derhêner Darren Aronofsky dikir ku fîlmê wî "Qumriye Reş" par li Oscarê bi ser ketibû û bal kişandibû. Juriyê Xelata Taybet jî da fîlmê "Terraferma" ku derhêneriya wî Emanuele Crialese kiriye.

Aleksander Sokurov (wêneyê jorîn) "Xelata Şêrê Zêrîn", Shangjun Cai (wêneyê kêlekê) jî "Xelata Şêrê Zîvîn" girt.