Diyarname

Li Tirkiyeyê di sala 2013'yan de ji aliyê temaşekirina fîlmên yêrlî de rekor hatiye şikandin. Vane îstatîstîk:

Hejmara temaşevanan

- Di sala 2012'yan de bi giştî 44 mîlyon û 339 hezar û 527 kes çûne li fîlman temaşe kirine.

Di sala 2013'yan de ev hejmar derketiye 48 mîlyonî. Yanê li gor par 4 mîlyon zêdetir çûne salonan û li fîlman temaşe kirine. Ev reqem di sala 2011'an de li dor 42 mîlyonî bû. Di sala 2005'an de ev hejmar 27 mîlyon û 801 hezar kes bû; ji wê salê de her sal ev hejmar bilindtir dibe.

Hejmara fîlmên ketine vîzyonê

Di sala 2013'yan de 86 jê yêrlî bi giştî 326 fîlm ketine vîzyonê. Li dor 20 mîlyon kesî li fîlmên ji Tirkiyeyê temaşe kirine. Fîlmên ku BKM'ê kişandine di nav hemû bilêtên hatine fîrotin de sedî 13 para wan ketiye ku ev ji bo şîrketekê reqemeke gelek mezin e.

Fîlmên herî zêde hatine temaşekirin

Di 2013'yan de 10 fîlmên ji Tirkiyeyê ku herî zêde hatine temaşekirin jî hatin eşkerekirin. Li gor îstatîstîkan fîlMê Cem Yilmaz "CM101MMXI Fundamentals" bi 3 mîlyon û 843 hezar û 067 kesî bûye yekemîn.

Piştî wî fîlmî Dugun Derket tê ku 3.706.282 kesî lê temaşe kiriye. Di nav 10 fîlmên ku herî zêde li wan hatiye temaşekirin de 9 jê ji Tirkiyeyê, tenê yek biyanî (fîlmê "Fast & Furious 6" ku encax bûye dehemîn) ye.

Vane deh fîlmên îsal herî zêde hatine temaşekirin:

1- CM101MMXI Fundamentals: 3.744.836

2- Dugun Dernek: 3.706.282

3- Celal ile Ceren: 2.853.628

4: Kelebegin Ruyasi: 2.158.749

5: Selam: 2.145.545

6- Romantik Komedi 2: Bekarligaa Veda: 1.507.603

7- Hukumet Kadin 2: 1.498.121

8- Hukumet Kadin: 1.401.665

9- Benim Dunyam: 1.377.533

10- Hizli ve Ofkeli (Fast & Furious 6): 1.180.105

Têbinî: Emê weşandina îstatîstîkên li ser sala 2013'yan ên di warê cur bi cur de berêve biweşînin 

***

- 2013: 70 rojnameger li ser kar mirin