Li Amed, Sêrt, Îzmîr, Semsûr, Gurpinar, Bahçesaraya Wanê, li Şemzînan û Navenda Culemêrgê, li Muglayê, li Nisêbîna Mêrdînê, li Amedê, li Stenbolê, li Mûşê, li Wanê, li Antalya, li Eskîşehîrê di 2'yemîn salvegera komkujiya Roboskî de gel li qadan bûn û komkujî şermezar kirin.
KCD'ê daxwaza lêborînxwestinê kir
KCD'ê jî di vê salvegerê de daxuyaniyeke nivîskî weşand û wisa got: "Bi ser bûyerê re du sal derbas bûne hê kesek hatiye darizandin. Ji ber ku hesabê Roboskî nehatiye pirsîn li Gezî, Licê, Geverê komkujiyên nû çêbûn. Her komkujiyeke hesabê wê neyê pirsîn xebera êşên din bi xwe re tîne. Desthilatdariya AKP'ê dema mesel nelirêtî, dizî, bertîla zarokên wan be firtoneyan radike, lê dema mesele zarokên kurdan bin leşker, polîsên xwe xelat dike û sipasiya wan dike."
KCD'ê got ku divê ji bo Roboskî û komkujiyên din lêborîn bê xwestin û wisa got: "Heta ji berpirsên vê bûyerê û bûyerên din hesab bê pirsîn, heta tarînî ronî bibe dê têkoşîna me ya demokratîk, berxwedana me ya birûmet bidome."
Her wiha KCD'ê xwest her kes beşdarî meşa li Roboskiyê ya ji bo bîranînê bibe. Meş roja 28'ê mehê li dar dikeve.