Diyarname
Hem li Tirkiyeyê hem li dinyayê her ku diçe fûtbol îsal jî digihîne hefteyên dawî û pêre jî tîmên dibin şampiyon, yên ku ji lîgan dikevin diyar dibin.

Di Spor Toto Super Lîgê de tîma Mêrsîn Sporê di rêza dawî de ma û ji lîga yekem ket. Mêrsîm sala bê dê lîgek jêrtir, li PTT Lîga 1'em de bilîze.
Ji Spor Toto Super Lîgê sê tîm dikevin û her du tîmên din dê hefteyên dawî diyar bibin.

Ji PTT Lîga 1'em jî sê tîmên ku di rêzên 1'em, 2'yem û 3'yem de cih bigirin dê derkevin Lîga Super a Spor Totoyê. Di lîga 1'emîn a PTT'ê de 2 hefte mane îsal lîg bi dawî bibe. Îro bi encamên ku hatin girtin du tîm Çaykur Rizespor û Kayseri Erciyesspor bi ser ketin û derketin Spor Toto Super Lîgê.

Çaykur Rize Spor ku Teknîk Dîrektorê wê Mustafa Denizlî ye îro bi Ankaragucu re lîst. Rizeyê bi 3 golan 3 pûan girt, bi 59 pûanan bû yekemînê Lîga 1'em a PTT'ê û bi vê yekê derketina xwe ya Spor Toto Super Lîgê pesend kir.
Teknîk Dîrektor Denizli çend hefte berê dema Çaykurrize di rêza 6'emîn de bû hatibû ser kar û her ku çû tîm bi pêş de bir, niha jî kir şampiyon.

Kayseri Erciyes jî li sehaya xwe derket pêşberî Karşiyakayê. Kayseri Erciyes digel ku têk çû jî, tîmên din ên li dû wê jî têk çûn loma derketina xwe ya lîga super pesend kir.

Çaykur Rize û Kayseri Erciyes sala bê dê Lîga Supera a Spor Totoyê de bilîzin.