Navenda Nûçeyan
Serokê Koalîsyona Netewî ya Hêzên Şoreşger û Muxalîfên Sûriyeyê ya rêxistina sîwaneyan muxalîfên Sûriyeyê Ahmet Muaz el Xetîb ji peywira xwe îstîfa kir.

Xetîb li ser Facebook daxuyanî weşand û sedema îstîfaya xwe ya wekî; Ez dixwazim azad bixebitim û ev jî di mueseseyên fermî de ne mimkûn e’ eşkera kir.

Xetîb diyar kir ku wî soza ‘ger ev bûyer bigihîjin xeta sor’ dê îstîfa bike daye gelê Sûriyeyê û wiha got: “Min soz dabû gelê Sûriyeyê ku ger ev kar û bar bigihîjin xeta sor ew dê îstîfa bike.  Belê îro ez di vê soza xwe de me û ji peywira xwe îstîfa dikim. Ez dixwazim azad bixebitim û ev jî di bin saziyên fermî de ne mimkûn e.Ez ji ber vê yekê îstîfa dikim.”

Xetîb di berdewamiya daxuyaniya xwe de  ji ‘Xetên sor’ bi awayekî zelal neanî ziman û got hêzên navnetweî li dijî trajediya Sûriyeyê wekî temaşevan dimînin û got ev du sal in hemû cîhan li dijî van bûyeran wekî temaşevan tevdigere.

Îstîfakirina Xetîb, piştî  civîna ku  duh wezîrên karê derve yên Ewrozpayê pêk anîn  pêk hat. Muxalîfên Sûriyeyê ji ambargoya çekan a ku DYA û YE ali ser Suriyeyêk pêk tê muaf tên girtin û daxwaza çekên giran dikin. Ev daxwaza muxalîfan tê redkirin.

ASA: EM HÎTTO NAS NAKIN

Li aliyê din Artêşa Sûriyeya Azad da diyarkirin ku, ew karsazê kurd Xesan Hîtto yê hefteya borî anîn ser hikumeta demkî ya ji aliyê muxalîfan ve hat avakirin, nas nakin. Artêşa Sûriyeya Azad ragihand ku, Hîtto ji derve anîne xistine nav muxalefetê û hilbijartina di encama li hevkirinê de çênebûye.

Xesan Hîtto di 18’ê Adarê de, di civîna li Stenbolê de kirin serokwezîrê demî yê hikumeta muxalîfan.

KURD JÎ LI HEMBERÎ HÎTTO DERKETIBÛN

Hîttoyê ku bi dengê rêxistinên Îslamî anîn kirin serokwezîrê demî yê hikumeta ku ji aliyê Koalîsyona Netewî ya Hêzên Şoreşgerî û Muxalîfên Sûriyeyê ve hat avakirin, kurd jî li hember derketibûn.

Hevserokê PYD’ê Salih Muslim dabû diyarkirin ku, ew Hîtto wekî nûnerê kurdan qebûl nakin. Muslim eşkera kiribû ku, “Kurdbûna wî tiştekî nayne ziman. Ne kurdekî nas dike, ne kurdî dizane, ne jî çi eleqeya wî bi siyaseta kurdan re heye.”
Muslim destnîşan kir ku, Hîtto li ser ne lihev kirina hêzên muxalif hatiye hilbijartin û got, kurd nevexwendibûn civînê. Muslim gotibû; “Hevdîtinek bi aliyê kurd re nehatiye kirin.”

ÊDÎ JI NIHA PÊ VE MUXALIF DÊ SÛRIYEYÊ DI KOMKARA EREBAN DE TEMSÎL BIKE

Di vê navberê de wezîrên karên derve yên Komkara Ereban biryar girt ku, kursiya aîdê Sûriyeyê êdî dê Koalîsyona Netewî ya Hêzên Şoreşgerî û Muxalifên Sûriyeyê temsîl bike. Wezîrê Karê Derve yê Qatarê Hamad bîn Casim bîn Cabir El Thanî got, ‘Em li bendê ne di civîna sêşemê de tevlî bibin.”

Komkara Ereban endamtiya Sûriyeyê di sermaweza 2011’an de bi hinceta ku “hikumetê li dijî xwepêşandêran tundî pêkaniye û ew vê qebûl nakin” dabû rawestandin.

ANF