Diyarname
Weşanxaneya Avestayê çend pirtûkên xwe çapa wan a nû kir û niha di Fûara Pirtûkan a Stenbolê de pêşkêş dike.
 

Şerefname

Çapa nû ya “Şerefname”ya Şerefxanê Bedlîsî derket. Şerefname ku di 2007'an de yek taybet, yek normal bi du çapan derketibû, li Amed û Dihokê li ser Şerefnameyê konferans û pêşengehên minyaturan durust kiribûn, niha çapa wê ya nû weşand. Şerefname ku yek ji malên kurdan e û li ser dîroka kurdan e wergera wê ya kurdî ji aliyê Ziya Avci ve hatiye kirin.

Martînê Bextewer

Romana dawî ya Jan Dost Martînê Bextewer ku dawiya meha gulanê, çapa wê ya yekemîn derketibû niha çapa xwe ya duyem kir.
Jan Dost ji bo îmzekirin û paneleke dê 24-25'ê vê mehê li Fûara Pirtûkan a Stenbolê amade be.

Gramera Kurdî

Gramera Kurdî ku ji aliyê Celadet Alî Bedirxan û Roger Lescot ve hatiye amadekirin û bi navê "Kurtçe Gramer" ji aliyê Weşanên Avestayê ve hatibû weşandin niha çapa wê ya 5'an derket. Bedirxan û Les Lescot di sala 1930'î de ev gramer nivîsîn û heta niha gelek caran li gelek cihan hatiye çapkirin. Ev gramer, di nav gramerên kurdî de yek ji gramerên referans e.

- Şerefname / Şerefxanê Bedlîsî / Werger: Ziya Avci / Dîroka Kurdistanê / 662 rûpel
- Martînê Bextewer / Jan Dost / Roman / 264 rûpel
- Kurtçe Gramer / Celadet Alî Bedirxan & Roger Lescot / 392 rûpel / Gramer