Diyarname
Ji cîhana fûtbolê di rojek de pênc nûçeyên gelek girîng: Ji Barselona heta Bayer Munih, heta têkiliya FIFA û Turmp... Vane ev nûçeyên sporê yên îro:
1- FIFA'yê hişyarî da Trump
- Serokdewletê DYA'yê Donald Trump ku rêwêtiya ji bo Amerîkayê ya ji bo hin welatan qedexe dike dibe sedema nîqaşan. Vê carê FIFA'yê hişyarî da. Serokê FIFA'yê Gianni Infantino li ser qedexeyê axivî û got: "Li dinyayê gelek welat astengî ji bo rêwîtî û vîzeyê derdixin lê ger hûn dixwazin ji bo Kûpaya Cîhanê mazûvaniyê bikin divê hûn hin şertan bînin cih. Her tîma ku mafê lîstina di Kûpaya Cîhanê de bi dest bixe divê bikaribe here wî welatî bilîze. Ev nebe Kûpaya Cîhanê nabe. Birêz Trump Serokê DYA'yê ye û ez hurmetê nîşanî polîtîkaya wî didim. Ew ji bo welatê xwe bidyaran digire.Ji bo vê yekê hatiye hilbijartin. Lê şertên mazûvaniya ji bo Kûpaya Cîhanê diyar in. Her welatê van şertan bîne cih dikare mazûvanî ji bo kûpayê bike. Ev yek rêgeza sporê ye."
2- Barselona bi 6 golan şov kir
- Di Lîga Şampiyonan de Barselona û PSG hatin hemberî hev. PSG li mala xwe 4-0 maç bi dest xistibû û bi awayekî bixwe bawer derket maça diduyan a ji bo derbasbûna çarîk fînalê. Lê reqîb Barselona bû û heta deqeya dawî hêvî her hêvî bû.
Barselona di deqîqeya 3'yan de bi Luis Suarez di deqîqeya 40'î de bi Layvin Kurzawa bersiv da û bi 2-0 nîveka yekemîn a maçê bi dawî kir.
Di nîveka duyemîn de jî Barselona êrîş kir: Di deqîqeya 50'î de Messi got: 3-0. Ji bo dirêjbûna maçê tenê golek, ji bo bi destxistina maçê du gol lazim bû û hê 40 deqe maçhebû. Lê di deqîqeya 62'yan de li ser navê PSG'ê Edinson Cavani golek avêt û hêviyên Barseloyê sist kirin. Tîma Katalan qet ji maçê neket, lê jêre vê carê 3 gol lazim bûn. Deqîqe bû 88 Neymar got avêt û bû 4-1. Di deqiyên mayî de 2 golên din lazim bûn, hê 2 deqîqe temam nebûbûn Barselonayê penaltî dest xist, Neymar skor bir 5-1. Hakêm 5 deqîqeyên din li maçê zêde kir û tam di deqîqeya 90+5 de Sergi Roberto hemû xeyalên PSG'ê şikandin û coşa Barselona û temaşevanên wê derxist asta bilind. Piştî vê tu gol nehatin avêtin û Barselonayê di rovanşa 4-0 de bi 6-1'ê derbasî çarîk fînalê bû.
3- Bayer'ê 5'ek din avêtin
- Tîma Almanyayê Bayer Munih li mala xwe bi 5-1'ê Arselana Îngilistanê têk biribû. Di maça duyem de Arsenal xweş lîst lê piştî lîstikvanê lîstikvanê wan Laurent Koscielny qerta sor dît û Arsenal ma 10 kes maç vegurehî. Li hemberî Bayerê lîstina bi 10 kes helbet zehmet bû û Bayer Munih carek din bû gol û bi ser Arsenalê de bariya. Wekî maça yekem ev maç jî bi 5-1'ê bi dawî bû.
Di encama maçên hatin lîstin de di Lîga Şampiyonan de Barselona, Bayer Munih, Real Madrid, Borissa Dortmund derbasî çarîk fînalê bûn. Çar maçên din dê bêne lîstin (14-15'ê adarê) û ji wan tîman jî dê 4 tîmên din derbasî çarîk fînalê bibin.
4- Banga îstîvayê ji bo Wenger
- Teknîk Dîrektorê Arsenalê Arsene Wenger ev 20 sal in vî tîmî bi rê ve dibe. Lê di hefteyên dawî de êdî temaşevan dixwazin ew dest ji tîmî berde. Piştî têkçûna maça duyem bi 5-1 dîsa banga îstîfayê hat kirin. Li stadê pankarta "20 sal sipas ji bo te" hat vekirni. Nêzî 200 temaşevanên Arsenalê ew vexwendin îsTîfayê.
5- Vodafon Arena sêyemîn stadê xweşik e
- Di nav stadên wê salê hatine çêkirin de her sal pêşbaziya "Stada Salê" tê lidar xistin. Îsal bû 7 sal ev dangdan çêdibe. Îsal jî gel ji bo vê yekê deng da û di encamê de Stada Beşîktaşê Vodafon Arena bû yekemîn, lê di dengdayîna juriyê de bû duyemîn. Di dengdayîna gel de "Stadion FK Krasnodar" a tîma Rus Krasnodar bû duyemîn û stada Estadio Campeon Del Siglo ya tîma Urugay Penarol bû sêyemîn.
Lê di dengdayîna jurî de London Stadium a tîma West Ham a Îngilistanê bû yekemîn, Stada Krasnador bû duyemîn û Vodafon Arena bû sêyemîn.