Diyarname
Fîlmê derhêner Yeşim Ustaoglu ê bi navê "Araf" li 6'emîn Festîvala Fîlmamn a Abû Dabî xelat "Fîlmê Herî Serketî" girt.

Festîvala Abû dabî li paytexta Emîriya Ereban a Yekbûyî li Abû Dabî li dar dikeve. Fîlmê Ustaoglu "Xelata Fîlmê Herî Serketî 2012 Black Pearl" girt.

Fîlmê ku yekemîn car di Festîvala Venedîkê de hatibû nîşandayîn, di festîvala Moskovayê de jî serlîstikvana wî Neslihan Atagul "Xelata Lîstikvana Herî Serketî a îro û pêşerojê" girtibû.

"Araf"ê ku li Festîvala Fîlman a New Yorkê de jî hatibû nîşandayîn û rexnegirên sînemayê eleqeyeke baş nîşan dabû, li Tirkiyeyê di 21'ê meha borî de ket vîzyonê lê hindik kesî lê temaşe kir.

Di fîlm de Neslihan Atagul, Ozcan Deniz, Bariş Hacihan û Nihal Yalçin dilîzin.

Her wiha di festîvalê de ev xelat hatin belavkirin:

- Derhênerê Herî Serketî: Nouri Bouzid
- Lîstikvanê Herî Serketî: Gael García Bernal (No)
- Lîstikvana Herî Serketî: Franziska Petri (Betrayal)
- Xelata Taybet a Juriyê: Manoel de Oliveira (Gebo and the Shadow)
Di beşa "Asoyên Nû" de derhênerê îranî Massoud Bakshi bi fîlmê xwe "Respectable Family" Xelata "Black Pearl" (Durreya Reş) girt.
Di beşa belgefîlman de jî derhênerê filistînî Mahdi Fleifel bi fîlmê xwe "A Wordl Not Ours" heman xelat girt.