Diyarname
Dawiya vê hefteyê yên bûn şampiyon, yên ji lîgê ketin. Stada 118 salî. Û temaşevanan stad terk kir çûn xwarinê bixiwin. Vane heft nûçeyên di dawiya vê hefteyê derketin pêş...

Tîm ava kir û kir şampiyon
Yek ji efsaneyên Galatasaray, lîstikvanê berê, teknîk dîrektorê niha Gheorghe Hagi tîma xwe kir şampiyon. Haga li Romanyayê di sala 2009'an de tîma Viitorul Constanta ava kir, bû teknîk dîrektorê tîmê û ji wê salê de her tîma xwe xurt kir: Û di dawiyê de îsal di Lîga 1'emîn a Romanyayê de bû yekemîn.
Navê tîm tê wateya "Pêşeroj", lîstikvan hemû ciwan in ku temen tê dora 22.45 ku bi vê tîma herî ciwan a Lîga Romanyayê ye. Tîmê di lîgê de CFR Cluj têk bir û bû şampiyon.
Li ser vê şampiyoniyê teknîk dîrektor Hagi wisa axivî: "Kesên te bigihînin hedefa te tuyê bibînî û ligel wan bixebitî. Helbet li pişt vê piştgiriya madî divê hebe. Di dema me de dewletê piştgirî dida. Ji bo ciwanan û projeyan razemenî dibû. Bi vê nifşên baş hatin çêkirin. Ez jî niha di akademiyê de heman tiştî dikim. Di dawiya heft salan de, di navbera 30-50 lîstikvanên di gelek beşên tîmên neteweyî de dilîzin ji akademiya me ne. Em niha di lîgê de yekemîn in. Temenê lîstikvanan 21 e. Vaye ev proje ye."
Hagi qala serdema ku di Galatasaray de kûpaya UEFA'yê girt kir û got: "Li Galatasaray kengê em bi ser ketin, pênc sal? Çawa ye? 13 lîstikvan tîma neteweyî. Proje. Divê tu hay ji hedefa xwe hebî. Di salên li paş man de min dît ku her kes dikare biaxive. Lê di navbera axaftin û serketinê de ferqek mezin heye. Ez ji kesên diaxivin hez nakim, ji kesên bi ser dikevin hez dikim. Ev felesefeya min e. Li cem min zêde gotin nîn e, ez her kar dikim."

Ji stada 118 salî xatir xwest
Yek ji tîmên Premier Lîgê Tottenham bi maça dawî xatir ji stada xwe ya 118 salî White Hart Lane xwest.
Tottenhamê maça xwe ya dawî li vê stadê ligel Manchester United lîst û bi 2-1 bi ser ket. Tottemham bi vê bi 80 pûanan piştî Chelsea bû duyemîn. Tîma Londona Îngilistanê Totemham piştî 54 salan yekem car lîg di rêza duyemîn de bi dawî kir. Tottenhamê hemû maçên xwe yê li stada xwe White Hart Lane'ê lîstin bi dest xistin.
Tottemham sala bê dê maçên xwe li Stada Wembley bilîze. Bi xilasbûna maçê de temaşevan daketin nava sehayê û hinan parçeyek giyayê sehayê wekî bîranîn bi xwe re birin, hinan tiştên din.
White Hart Lane tam 118 sal in ji bo Tottemhamê mazûvanî dike

Di 25 deqîqeyan de temaşevanan stad vala kir
Tiştek balkêş derket holê: Temaşevanên Înterê di deqîqeya 25'an de stad terk kirin û çûn. Di Serîe A ya Îtalyayê de Înterê di 8 maçên dawî de tenê 2 pûan bi dest xistin. Maça dawî vê dawiya hefteyê ligel Sassuolo bû. Di deqîqeya 25'an de temaşevanan stada Giuseppe Meazza terk kirin. Temaşevanan pankarta ku li ser "Hûn piştgiriya me heq nakin. Em hatin bibêjin merheba û waye em diçin xwarinê dixwin."
Di maçê de mêvan Sassuolo bi 2-1 bi ser ket. Ji sala 2012'yan heta niha yekemîn car e Înter 4 maçan ser hev de têk diçe.

Dirk Kuytê 37 salî Feyenoord kir şampiyon
Di Lîga Eredivisie ya Yekemîn a Hollandayê de Feyenoord bi 83 pûanan bû şampiyon. Lîsktikvan Dirk Kuyt ku demek li Fenerbahçeyê jî lîst di maça ligel Rotterdamê de hat-trick kir, hem maç bi dest xist, hem tîm kir şampiyon. Kuyt bi van golan îsal tam 12 gol avêt. Kuytê 37 salî tîma xwe kir şampiyon. Feyenoord herî dawî di sala 1998-99'an de bûbû şampiyon û niha bi vê şampiyoniyê 15'emîn şampiyoniya xwe bi dest xist.

Beşîktaşê kursiya xwe bi paş ve girt
Duyemînê tîma Lîga Super Başakşehir 14'ê mehê bi ser ketibû û bi maçek zêde bûbû yekemîn. Beşîktaş 15'ê mehê ligel Bursayê lîst, bi golên Cent Tosun û Vincent Abobubakar 2-0 maç bi dest xist û carek din bû yekemîn; kursiya xwe ya yekemînî bi paş ve girt.

Adana Spor ket
Tîma Adanayê ligel Trabzonê lîst, bi ser ket lê ev bi ser ketina wê bi kêrî tiştek nehat. Ji ber ku berî 3 hefte ku lîg bi dawî bibe di rêza herî dawî de cih girt û ji lîgê ket. 

Yenî Malatya û Sivas bûn şampiyon
Di Lîga Yekemîn a PTT'ê de hefteyek tenê maye. Di maça dawî de Yeni Malatya li mala xwe ligel Bolu Sporê 1-1 ma û pûanên xwe derxistin 60'î.
Yeni Malatya Spor bi vê şampiyoniya xwe ragihand. Yeni Malatya Spor derket Lîga Super a Tirkiyeyê. Di rêza duyemîn de Sivas Spor jî li Adana Demir Sporê 1-1 ma û pûanên xwe derxistin 58'an. Bi vê Sivas Spor jî bi duyemînî derket Lîga Super.
Piştî Lîga PTT'ê temam bibe tîmên din ên mayî dê play-offê bilîzin û ji wan jî tîmek din derkeve Lîga Super.

Altay derket Lîga 2'yemîn
Tîma Îzmîrê Altay ku zemanek di Lîga Super de dilîst her ku çû ket û îsal di Lîga 3'yemîn de bû. Kocaelispor jî bi vî awayî. Her du tîman bi hev re maça play-offê lîst û Altay di encaman penaltiyan de (6-5) bi ser ket û derket Lîga 2'yemîn. Altay sala bê di Lîga 2'yemîn de dê bilîze.
Ji koma din a Lîga 3'yemîn jî Diyarbekir Spor û Sakarya Sporê ligel hev lîst. 90 deqîqeyên maçê bi 1-1 bi dawî bû; di dema zêdek de Sakaryayê Diyarbekir Sporê bi 2-1'ê têk bir û ew jî derket Lîga 2'yemîn.