Diyarname
Tottenham yek ji tîmên mezin ê Îngilistanê ye. Par di Lîga Ewropayê de bû şampiyon jî lê hê jî nikariye were ser xwe. Tottenhamê niha teknîk dîrektorekî din jî qewirand.

Tottenham par di Premier Lîgê de di rêza 17'an de sal temam kiribû. Ligel ku hindik mabû ji lîgê bikeve lê di Lîga Ewropayê ya UEFA'yê de serketî bû. Tottenhamê par di fînalê de tîma din a îngilîz Manchester United têk bir û Kûpaya Ewropayê ya UEFA'yê girt. Vê yekê nikarî kursiya teknîk dîrektor Ange Postecoglou xurt bike. Ji ber rêza 17'an klûbê bilêtê Postecoglou birî û ew qewirand.

Tottenhamê kursiya teknîk dîrektorê teslîmê Thomas Frankî kir û bi wî dest bi serdema lîgê ya 2025-26'an kir. Lê tiştê hêvî dikir çênebû, di meha reşemiya 2026'an de peymana wî jî betal kir û tîm teslîmê teknik direktör Igor Tudor kir.

Teknîk dîrektorê xirvat Tudor tenê karî 44 rojan li ser kar bimîne. Tudorî di 7 maçan de teknîk dîrektorî bo Tottenhamê kir, di 5 heban de têk çû. Piştî di maça dawî de li mala xwe li hemberî Nottingham Forestê bi 3-0 têk çû, klûbê peymana Tudorî betal kir. Bi vê yekê re di 10 mehan de bû sê teknîk dîrektor têne qewirandin.
Forestê ku ew jî yek ji tîmên ji bo ji lîgê nekeve ber xwe dide ye, bi vê serketine bi 32 pûanan derket rêza 16'an ku rêzek berî Tottenhamê ye. 

Tottenhamê ku niha bi 30 pûanan di rêza 17'an de ye li ser xêza talûkeyê ye û rêya xwe jî winda kiriye.

Tottenham ev 34 sal in di Premier Lîgê de ye, îsal rewş girantir dixuye.