Diyarname
Ajansa nûçeyan Reutersê ragihand ku Nûnerê Taybet ê Iraqê yê DYA'yê Mark Savaya ji peywirê hatiye girtin. Li gor nûçeyê peywira wî jî teslîmê Tom Barrackî kirine.

Nûçeya taybet a di Reutersê de Andrea Shalal, Timour Azhari û Humeyra Pamuk nivîsandiye. Nûçe dibêje ku ev yek guherîna siyaseta DYA'yê ya li sehaya Iraqê ye. 

Nûçe wisa dibêje, "Karsaz Savaya wekî xiristiyanekî irap-amerîkayî, di hilbijartinê de ji bo pitşgiriya ereb û mislimanan bi dest bixe di sala 2024'an de ji aliyê Trumpî ve hatiye peywirdarkirin. Ew yek ji çend kesên ereb-amerîkayî bû ku wê çaxê hat peywirdarkirin. Pêşî diyar nebû ku çima Savaya ji kar hatiye girtin, wê kesek din li cihê wî bê peywirdarkirin an na."

Nûçe diyar dike ku çavkaniya gotiye Savaya mijarên sereke "şaş bi rê ve birine" û balê dikişîn ser Nûrî el-Malîkî ku Trumpî nexwestiye bibe berendam, lê wekî berendam derketiye holê.
Li gor nûçeyê Nûnerê DYA'yê yê Sûriyeyê û Balyozê DYA'yê yê Tirkiyeyê Tom Barrack wê peywira Savaya jî bigire ser milên xwe.

Nûçe dibêje ku Barrack li ser vê yekê tiştek negotiye, Wezareta Karên Derve jî bervê van pirsan daye Koşka Spî; Koşka Spî jî li ser vê tu şirove nekiriye.

Li aliyê din nûçeyê gotiye ku hesaba X'ê ya Savaya ji roja pêncşemê ve kilîtkiriye. Rojên în û yekşemê jî Savaya bersiva pirsan nedaye û negotiye ku çima hesabê wî girtiye jî.