Diyarname
Li Tirkiyeyê Milli Gazete rojnameyeke oldarên tirk e û li ser xeta "Milli Goruş"ê weşana xwe dike. Vê rojnameyê di 21'ê vê mehê de nûçeyek bi sernavê "Vaye lîsteya yên piştgiriyê didin PKK'ê" weşand.
Rojnameyê nûçe li ser rapora "Lijneya Lêkolîna Sûcên Malî" (MASAK) amade kiriye û di nûçeyê de navê Weqfa Çanda Kurd a Stockholmê jî derbas dibe ku wan jî ji PKK'ê re ji bo alîkariyê pere şandine.
Li ser vê yekê Serokê Weqfa Çanda Kurd a Stockholmê Salih İnce daxiyaniyeke nivîskî weşand û got ku ewê der barê Milli Gazete û malperên ku ev nûçe weşandine de dozê vekin.
İnce got ku weqfa wan ji bo xizmetê çand û zimanê kurdî bike li gor zagonên Swêdê hatiye avakirin, heta niha bi gelek saziyên sivîl ên li Tirkiyeyê ku bi awayekî fermî hatine vekirin re li ser çand û zimanê kurdî gelek projeyên serketî meşandine. İnce got ku diyar e saziyên fermî yên Tirkiyeyê ji hebûna saziyeke wekî me sivîl aciz in û wiha dom kir: "Milli Gazete di nûçeya xwe de weqfa me li cem 'tehdîd', 'tilyak', 'fihûş'ê nîşan daye, projeyên me terorîze kirine û rêveberên weqfa me kirine hedef. Her wiha piştgiriya dewlet û gelê Swêdê ya ji bo çand û mafên demokratîk a kurdan nîyandayîna wekî 'teror'ê, bi navkirina wekî 'sefera xaçparêzan' a nû, sûceke nefretê ye. Emê di serî de Milli Gazete û malperên din ku bê pirs û lêkolînê ev nûçe weşandin, her wiha der barê MASAK û wezareta girêdayî wê de gilî bikin û mafê xwe yê tazmînatê bidin dest pê kirin."