Diyarname
Civaknas Îsmaîl Beşîkçî li Amedê nexweş ketibû û rakiribûn nexweşxaneyê. Piştî vê kêliyê di serî de Hevserokê DEM Partiyê û Hevşaredariyên Bajarê Mezin a Amedê her kes xwedî li Beşîkçî derket. Li ser vê yekê Weqfa Îsmaîl Beşîkçî bi sernavê “Dilê gelê me bi mamosteyê wî re lêdide” belav kir.
Di daxuyaniyê de hat gotin, “di serî de raya giştî ya kurd, bi sedan dost û hezkiriyên mamoste hem hatin nexweşxaneyê hem jî bi riyên ragihandinê yên din xwe giyandin rayedarên weqfa me û xemginiya xwe anîn ziman û hêvîyên xwe yê hevkarî û piştgiriyê ragihandin” û wisa hat gotin, “Di serî de Serokwezîrê Kurdistanê Mesrûr Barzanî, Serokê Kurdistanê Nêçîrvan Barzanî û rayedarên hikumeta Kurdistanê, Serokê Giştî yê DEM Partiyê Tuncer Bakirhan, Serokê Giştî yê BDP’ê Keskin Bayindir, Serokê Giştî yê PSK’ê Bayram Bozyel, Serokê Giştî yê KKP’ê Sinan Çiftyürek, PDK-Bakur Sertaç Bucak, Berdevka HDK’ê Meral Daniş Beştaş, Mebûsên DEM Partiyê Cengiz Çandar û Serhat Eren, mebûsê CHP’ê Sezgin Tanrikulu, Hevserokên Şaredariya Bajarê Mezin a Amedê Serra Bucak û Dogan Hatun, gelek hevşaredarên navçeyên Amedê, rayedar û endamên HAKPAR û PWKê; rewşenbîr, nivîskar û hunermendên kurd; Di serî de Odeya Tabîban a Amedê û sazî û dezgehên sivîl yên Amedê; Ekîba tenduristiyê ya ku tedawiya mamoste dike û gelek hekîmên din ên bîzat hatin bi mamoste re eleqedar bûn û gelên ji deverên dûr geriyan gotin em amade ne ji bo mamoste bibin alîkar.”
Serokê Weqfa Îsmaîl Beşîkçî Îbrahîm Gurbuz û lijneya rêveberiyê di dawiya daxuyaniyê de wisa sipasiyên xwe anîn ziman, “Wekî Serok û Rêveberiya Weqfa İsmail Beşikci em ji hemûyan re spasiyên xwe pêşkêş dikin. Em di vê baweriyê de ne bi saya dia û hêviyên me gişan ên jidil, mamosteyê me wê dîsa bigijihe tenduristiya xwe ya berê û wê careke din bi me re be.”

**

Nûçeya Eleqedar:

- Hemû agahiyên wê rojê / Rewşa Îsmaîl Beşîkçî stabîl e