Diyarname

18.00:
BAKIRHAN ÇÛ SERDANA BEŞÎKÇÎ
Hevserokê DEM Partî Tuncer Bakirhan ligel mebûsên DEM Partî Cengiz Çandar, Meral Daniş Beştaş, Sinan Çiftyurek, Serhat Eren, Hevserokê DBP'ê Keskin Bayindir çûn ber nexweşxaneyê û li halê Beşîkçî pirsî.
Bakirhan diyar kir ku rewşa Beşîkçî baş e.

Saet 13.00:
BER BI BAŞIYÊ VE DIÇE LÊ TALÛKE DIDOME
Serokê Baroya Tabîbên Amedê Veysi Ulgen: Rewşa Îsmaîl Beşîkçî ber bi başiyê ve çûye, lê ji ber cihê xwîn çûye hê jî talûkeya canê wî heye.
Odeya Tabîbên Amedê li ber Nexweşxaneya Zanîngeha Dîcleyê daxuyanî da çapemeniyê.
Hevşaredarên Bajarê Mezin, hevşaredarên naveçeyan, rêveberên DEM Partî û rêveberên Weqfa Îsmaîl Beşîkçî di dema daxuyaniyê de amade bûn.
Serokê Baroya Tabîbên Amedê Ulgen daxuyanî da û got: "Êvarê dema birin nexweşxaneyê tansiyona wî bilind bû, ji xwe nexweşiya wî ya tansiyonê heye û derman bikar dianî.  Pêşî tansiyon daxistin. 
Vê sibê di tomografiya hat kişandin de hat dîtin ku xwîn ber bi pêş ve neçûye, yanê rewşa giştî xira nebûye. Ev agahiyeke kêfxweş elê hê cihê xwîn Çûye kê bi rîst e loma talûke heye. Lê li gor kêliya pêşî niha ber bi erînî ve pêşketin heye. Pirsgirêka axaftinê, pirsgirêka aliyê rastê, pirsgirêka çûn û hatina bîrê didome, bersivên bê wate dide pirsan. Di vî warî de di bin qontrolê de ye.\

Hevşaredar Bucak: "Em hêvî dikin ku Îsmaîl Beşîkçî baş bibe"
Hevşaredara Bajarê Mezin a Amedê Serra Bucak jî spasiya xwe ji bo seferberiya rêveberiya zanîngehê û bijîşkan ji dema bûyerê ve anî ziman. Bucak wisa got, Em hêvî dikin dê mamosteyê me baş bibe û têkoşîna bi rûmet a kurdan hê baştir bigire dest. Em wekî rêveberên herêmî em li vê derê ne."

Serokê Weqfa Îsmaîl Beşîkçî İbrahim Gurbuz jî wisa got, "Ez hêvî dikim dê mamoste Beşîkçî ji bo jiyanê têkoşînê bike û beşa bibe. Ez hêvî dikim emê dîsa bi hev re xebatên xwe bidomînin. Ez sipasiya her kesî dikim ku em bi tenê nehiştine."

***

Îro, berî nîvro:
- Serhekimê Nexweşxaneya Zanîngeha Dîcleyê Prof. Dr. Mehmet Ata Akil: Di kontrolên me yên 24 saetan de me dît ku di mejiyê wî xwîn zêdetir nebûye û rewşa nexweş wekî hidrosefal tiştek neyînî çênebûye. Ji ber xwîn çûbû ser mejî bi zehmetî axaftin û bêhîsî ya aliyê rastê dewam dike. Rewşa wî stabil e. Dermankirina wî li nexweşxaneya me didome.

Prof. Dr. Cenap Ekinci: KÊFA WÎ HAT CIH
Prof. Dr. Cenap Ekinci û hin doktor çûne serdana Beşîkçî. Ekinci dibêje wekî doktorên kurd em hatin serdana te, ligel nexweşiyê jî serê xwe ba kir, kêfa wî hat cih.

***

LI FÎLMAMEDÊ NEXWEŞ KET
Êvara 27'ê mehê li FîlmAmedê civaknas Îsmaîl Beşîkçî nexweş ket û ew bi lezgînî rakirin nexweşxaneya Fakulteya Tibê ya Amedê. Doktoran got ku rewşa wî giran e û talûkeya jiyanê heye.

Mebûsên DEM Partî, Hevşaredara Bajarê Mezian a Amedê Serra Bucak û gelek kesên din çûn nexweşxaneyê.

Duh êvarê di çarçoveya Festîvala Belgefîlman a Amedê FîlmAmed de nîşandayîna belgefîlmê derhêner Fatin Kanat û Onder Înce ê bi navê "Beşîkçîyê Me" hebû. Beşîkçî jî ji bo vê yekê li Amedê bû. Piştî nîşandayîna belgefîlm rewşa Beşîkçî xirab bû û ew rakirin nexweşxaneyê.

Serhekimê Nexweşxaneya Zanîngeha Dîcleyê Prof. Dr. Mehmet Ata Akil li ser rewşa Beşîkçî agahî da û got, "Îro saet dor 18.10'an bi Beşa Lezgîn 112 sosyolog-nivîskar Îsmaîl Beşîkçî anîn beşa nexweşên lezgîn. Ew girtine bin ewlehiyê. Piştî tetkîkan derket polê ku xwîn çûye mejiyê wî. Ligel ku serxwe be jî ji ber xwîn çûye cihê mejiyê ku ev der cihek krîtîk e talûkeya canê wî heye. Em ji nêz ve reweşa wî dişopînin."

...Her ku agahiyên nû bên emê belav bikin....