Diyarname
Partiya Lahûr Şêx Cengî bangî konsulxane, nûnertiyên li Herêma Kurdistanê, Hikûmeta Herêma Kurdistanê kir ku li hemberî bûyerên li dijî wan bêdeng nemînin û got, "Jiyana Lahûr Şêx Cengî di stûyê Serokê Giştî yê YNK'yê de ye.”

Dadgeha Silêmaniyê duh biryara desteserkirina Serokê Bereya Gel Lahûr Şêx Cengî dabû. Cengî ku li Hotela Lalezarê bû ev yek red kir. Li ser vê yekê hêzên girêdayî YNK'ê êrîş kirin û hêzên alîgirê Cengî ber xwe da. Vê sibê piştî mirina 4 kesan Cengî jî têde gelek kes hatin desteserkirin.

Bereya Gel li ser desteserkirina serokê xwe û hevalbendên xew daxunayî belav kir. Di daxuyaniyê de bangî Hikumeta Federal a Iraqê û Hikumeta Herêma Kurdistanê kir ku li hemberî vê bûyarê bêdeng nemînin.

Di daxuyaniyê de wisa hat gotin, "Jiyana Lahûr Şêx Cengî û hemû hevalên me di stûyê Serokê Giştî yê YNK'yê de ye."

Di pevçûna ku dor 4 saetan dom kir de 3 endamên hêzên ewlehiyê û kesek jî alîgirê Lahûr Şêx Cengî mirin. Di bûyerê de 10 kes jî birîndar bûn. Ligel vê gelek zirarê madî li erebe û avahiyên derdorê çêbûn.

TALABANÎ ÇÛ CEM ŞÎNÊ

Piştî bûyer bi dawî bûn vê carê Serokê YNK'ê Bafil Talabanî çû cem şînê ku ji bo hêzên ewlekariyê yên di pevçûnê de  canê xwe ji dest dane. Waliyê Kerkûkê Rêbiwar Kerîm jî ligel Talabanî li şînê bû. Di dîmenan de hat dîmin ku serê Talabanî tevlihev e.

**

Nûçeyên Eleqedar:

- Zoom TV girtin

- Lahûr Şêx Cengî û 2 birayên wî hatin desteserkirin

- Dixwazin Lahûr Cengî bigirin bin çavan / Lahûr Şêx Cengî kî ye?