Diyarname
Li Sûriyeyê pevçûna di navbera HTŞ û Durziyan de dem bi dem didome; di rewşeke wisa de Durziyan xweriya xwe bi awayekî fiîlî ragihand.

Bi vê yekê rêveberiya xweser a Swêdayê hate ragihandin. Rêberê manewî yê durziyan "Komîteya Zagona Bilind a Swêdayê" ava kir ku ev komîte wê li nav bajêr û li gundên wê ji aliyê îdarî, ewlehî û xizmetên din ve berpirsiyar be.

Di vê çarçoveyê de Mahîr Xalib El Endarî wekî Sekreterê Giştî, Şekib Ecwed Nasir wekî Serfermandarê Hêzên Ewlehiya Hundir, Enwer Adil Ridwan jî wekî Sekreterê Giştî yê Hêzên Hundir hat peywirdarkirin. Li aliyê din ji bo perwerdehî, aborî, tenduristî û beşên din jî kes hatine peywirdarkirin.

Ev sazî wê pergala raya gşitî ya herêmê saz bike, pêdiviyên giştî yên gel bîne cih, ji bo vê yekê bixebite. Dûre wê beşên din ên vê rêveberiyê bêne ragihandin.

Têkiliyê Durziyan ligel Rêveberiya Xweser a Rojava baş in, demek berê wan xwestibû di navbera Swêda û Rêveberiya Xweser de Korîdorek bê vekirin.