Amed
Li Amedê ku heta niha festîvala şanoya, festîvala zarokan, ciwanan, ya sînemayê hatibû li dar xistin vê carê dor dora festîvala muzîkê ye. Şaredariyên Amedê bi hev re vê mehê 1'emîn Festîvala Muzîkê ya Amedê li dar dixin. Wekîla Şaredarê Amedê Hafize Îpek ji bo beşdariya festîvalê her kes vexwend festîvalê.
Li Amedê dê ji aliyê şaredaran ve di navbera 25-30’ê Îlonê de Mihrîcana Mûzîkê ya Amedê bê lidarxistin. Cîgira Şaredarê Amedê Hafize Îpek hemû Amediyan vexwende mihrîcanê.
Bi bşeşdariya wekîla Şaredarê Bajarê Mezin ê Amedê Hafize Îpek, Cîgira Şaredarê Sûrê Nakşî Sayar, Cîgira Şaredara Baglarê Sema Koç, Cîgirê Şaredarê Kayapinarê Fevzî Yetkîn li Sînemaya Burhan Karadenîz a Şaredariya Bajarê Mezin li ser 1'emîn Festîvala Muzîkê daxuyanî hate dayîn.
Wekîla Şaredarê Bajarê Mezin Îpek der barê festîvalê de got ku bi dirûşima “Em bi reng û dengê hunerê dimeşin azadiyê” festîvalê li dar dixin û wiha dom kir: “Wekî ku em hebû dizanin, li vî bajarî gelek êşên mezin hatin kişandin. Em wekî gel hewl didin ku bi piştevaniyê, van birînan bikewînin. Bi taybet piştî sala 1999’an me dît ku çand û huner ji bo kêmkirina êşan û kewandina birînan mîna melhemê ye. Ji sala 2000'î ve, ev 10 sal in Festîvala Çand û Hunerê ya Şaredariya Mezin a Amedê tê lidarxistin. Ji aliyê Şardariya Sûrê ve Festîvala Zarokan, ji aliyê Şaredariya Yenîşehîrê ve Festîvala Ciwanan û ji aliyê Şaredariya Kayapinarê ve jî xebatên girîng ên çand û hunerê hatin meşandin.”
Îpek destnîşan kir ku ji bo hevdîtina çand û hunera gerdûnî û neteweyî Amed xwedî cihek girîng e û got; “Ji ber wê ye ku daxwaza herî mezin a hunermedên ji Kobanê, Hewlêr, Urmiye, Êrîvanê û her derên jurd lê dijîn ew e ku beşdarî Festîvala Çand û Hunerê yên Amedê bibin.”
Hafize Îpek destnîşan kir ku di meha gulanê de bi yekemîn Festîvala Şanoyê ya Amedê re 18 komên şanoyê yên cuda anîne cem hev û wiha dom kir: "Festîvala şanoyê di mehan demê de cerebandinên herêmên cuda jî bi hev re dan parvekirin. Ji vir şûn de bi organîzasyoneke mezin ku di nav de şaredariya mezin, şaredariyên navçeyan, saziyên çand û hunerê û hemû dînamîk jî di nav de dê bi festîvalên ku navê bajar li ser dihêlin demeke hunerî bidin destpêkirin.”
Îpek di berdewamiya axaftina xwe de wiha got: “Di navbera 25-30’ê rezberê de em dê Yekemîn Festîvala Muzîkê ya Amedê li dar bixin. Li Qada Deriyê Çiyê, li Qada Îstasyonê, Qada Batikentê, li Dîclekentê, li Qada Newrozê û gelek cihan dê muzîk ji bo gel bê pêşkêşkirin. Der barê dîroka muzîka kurdî de jî dê panel pêk bên, dê stranên erdnîgariya Mezopotamyayê bên pêşkêşkirin. Hedefa festîvala me ew e ku çandên tune bûne ji nû ve bidin jiyîn.”
Îpek got ku Serhado, Îlkay Akkaya, Niyazî Koyuncu û gelek hunermendên din dê beşdarî festîvalê bibin.