Diyarname
Di Şampiyoniya Fûtbolî ay Pîrekan ay Euwropa de tîmê Îngilîstan û Swîsre têdir tay kerd. Pîrekê îngilî bi penaltiyan bi ser kewtî

Emsar Swêd qeybî tûrnûva mazûvanî keno la îngilîz zorê înan berd. Deqew diyin de Swêd bi goley Kosovare Asllani bi 1-0 raver şî, deqey 25'inan de Stina Blackstenius encam ard 2-0. Nîmew yewîn Swêd serkewte bî, firsend nêda pîrekanê îngilîzan. 
Nîmey diyin de teknîk dîrektora ÎNgilistanî Sarina Wiegman midexe kerd, kaykerdoxî bedelnay û enî bandorê xwu mot ra. Deqey 79'inan de Lucy Bronze, deqey 81'inan de zî Michelle Agyemang encam art 2-2.
90 deqe bi 2-2 deqiya. 30 deqew zêde de zî encam nêbedeliya û maçe derbasê penaltiyan bî. Eno beş jî balkêş bî. Wirdî tîman di 5 penaltiyanê verîn de encam nêbedelda, di penaltiya 7'inan de Îngilistan bi ser ket. Di 7 penaltiyan de swêdiyan tenî 2 golî, îngilîzan tenî 3 golî eyştî û bi eno awa tîma pîreman ay Îngilistanî veciya nîm fînalî. 

EYRO Û SIBA
Di maçanê nîm fînalî de eyro Spanya û Swîsre, siba zî Fransa û Almanya têdir kay kenê.