Dêrsim
8'emîn Festîvala Çand û Xwezayî ya Mûnzûrê bi konsera ku peyamên aştî û biratiyê bilind bû bi dawî bû.

Konsera dawî ya festîvalê li Stada Ataturk a bajêr li dar ket. Konsera ku bi stranên Grup Yorum dest pê kir, Şaredara Dêrsimê Songul erol Abdil axaftineke kir.  Abdil got ku ewê destûrê nedin çêkirina bendavê ya li ser Mûnzûrê û wiha domand: "Ji bo em xwezayê û çandê biparêzin heta dawî emê têkoşîna xwe bidomînin. Ev der cihên me yên pîroz in. Emê destûrê nedin xwezaya me têk biçe, li MûzÛrê bendav çê bibin û daristanên me bêne şewitandin. Heta li ser vê axê aştî, biratî û azadî bibe hakim emê têkoşîna xwe bidomînin."
Dûre hunermend Rojda, Yenî Turku bi stranên xwe gel coşandin.
Di konserê de pêşî dê Seher Dilovan derketa ser dikê lê wê nexwest pêşî ew derkeve ser dikê, ji organîzatoran re got ku ew di rêza dawî de dernekeve ser dikê ewê dernekeve konserê. Organîzatoran jî ev daxwaza wî nepejirand. Piştî ku anon hate kirin ku Dilovan dê dernexin ser dikê, temaşevanan ew protesto kir. Li ser vê Seher Dilovan qada konserê terk kir.

Ji DÎHA'yê hatiye girtin