Diyarname
Jinek misilman li Marmarîsa Muglaya Tirkiyeyê çû betlaneyê û di vegerê de di balagirgehê de pirtûk xwend û ji ber vê hat binçavkirin.
Jinek bi navê Faîzah Shaheen ku li Îngilistanê dijî piştî zewicî di meha tîrmehê de ji bo balayî hat Marmarîsê. Jina 27 salî ligel mêrê xwe di vegerê de siwarê balafirek Rêyê Hewayê ya Thomson û di balafirê de pirtûkek bi navê 'Syria Speaks: Art and Culture from the Frontline' (nivîskarên pirtûkê Nawada Mahfoud û Aram Tahhan in) xwend. Ekîba balafirê pirtûkak ku wê dixwend ferq kir û gilî li cem polîsan kir. Balafir dema daket Balafirxaneya Doncaster polîsên South Yorkshire hatin ew girtin bin çavan.
Rojnameya Independent li ser vê nûçeyek taybet çêkir û ji manşetê nûçe ragihand.
Jina hat binçavkirin 15 deqîqeyan bi "Sûcdariya terorê" hat sûcdarkirin û ew girtin bin lêpirsînê lê paşê derket holê ku pirtûkak ku Faizah Shaheen dixwend pirtûkek xelatgir bû û bi naveroka xwe jî li ser hunerê bû. Di pirtûkê de kurteçîrok, helbest, stran, karîkatur, fotograf hebûn û li ser hunermendên Sûriyê û hunera Suriyeyê bû.
'Ez dij-radîkalîzmê me'
Faizah Shaheen li ser mijarê wisa got: "Ez bi temamî mesûm bûm, min xwe wekî sûcdar hîs kir" û wiha dom kir: "Di dema kontrola paseportê de min polîs dît, min dixwest ez ji cihê kontrolê re derbas bibim lê du polîsan ez girtim. Dîsa xwestin ez paseporta xwe nîşan bidim. Min got 'Çi diqewime'. Ji ber pirtûka min dixwest pirsên li ser terorê ji min kirin. Ez gelek hêrs bûm û xemgîn bûm. Min fêm nedikir çawa pirtûkek ez dixwînim min derdixe asta kesek bi şek. Min ji wan re got 'ev re tiştek rast e ku hûn dikin, ev nayê qebûlkirin'. Min got ez ji bo zarokan dixebitim. Dij-radîkalîzmî parçeyek karê min e û ez li ser derûniya ciwanan û rîska radîkalîzmê dixebitim, lê li vê îroniyê binêrin."
Pirtûkê ji PEN'ê xelat girtibû
Faizah Shaheen niha amadehî dike ku hem der barê polîsan hem jî der barê Rêyên Hewayê ya Thomson de gilî bike. Şîrketa Rêyên Hewayê piştî ku bûyer derket holê bi lezgînî ji Faizah Shaheen lêborîn xwest.
Pirtûk ji aliyê PEN'a Îngilistanê ve hatibû xelatkirin, jina bi navê Faizah Shaheen jî li ser pêşniyareke di muha gulanê de ev pirtûk di festîvala pirtûkan a Bradfordê de kirî bû.
Li ser nûçeya Independent li welat nijadperestî, neyardiya li biyaniyan û îslamofobîa careke din bû mijara nîqaşê û ket rojevê.