Diyarname
Şîrketa Elektirîkê ya Dîcleyê abonevanên ku her meh bi awayekî rêkûpêk 450-500 TL heqê serfkirinê didin, bi fatûreya ku di vê mehê de şandine rastî sosreteke mezin hatin.
Hemwelatiyên di vê mehê de rastî bihayekî cuda hatin, tevî ku ceyrana di mehên berê de serfkirine, lê ji bo vê mehê di daxuyaniya rayedarên Şîrketa Elektrîkê ya Dîcleyê de hat diyarkirin, 599,50 TL ji heqê fatûreyê wekî desteka dewletê nîşandan û ji heqê ku serfkiriye dê bê dayîn.
Hemwelatiyên ku bi vê rewşê re matmayî man, diyar kirin ku tu ferqa serfkirina wan a meha borî û ya vê mehê tune ye û tu maneyê nadin zêdebûna di fatûreyê hatiye diyarkirin. Aboneyên elekrtîkê diyar kirin ku di xerckirina ceyrana wan de tu guhertin çênebûye, bertek nîşan dan û gotin ku fatûreya vê mehê wekî "xapandin" dibînin.
Li hemberî fatûreya vê mehê ku bi awayekî nedîtî ve zêde hatiye destnîşankirin, bertek nîşan dan, diyar kirin ku divê agahiyên ji aliyê Şîrketa Elektirîkê ya Dîcleyê ve fatûreyan bi awayekî zelal ragihînin hemwelatiyan û “desteka piştgiriyê ya dewletê ku tê dayîn” bi baldarî bê ravekirin.