Diyarname
Heyeta DEM Partiyê ku ji mebûsê DEM Partî û Cîgirê Serokê Meclisa Tirkiyeyê Sirri Sureyya Onder û mebusa DEM Partî Pervun Buldan pêk tê roja 28'ê berfanbarê çû Îmraliyê û ligel Rêberê PKK'ê Abdullah Ocalan hevdîtin çêkir. Heyet duh êvarkî vegeriya û vê serê sibê daxuyaniya nivîskî belav kir.
Ocalan di hevdîtinê de gotiye "Ev hewldanên me tev ji bo welat bigîne asta ku heq dike ne. Ev hewldanên me dê di heman demê de ji bo guhertineke demokratik bibe rêberek giranbuha.”
Heyetê di daxuyaniya belav kir de wisa gotiye, "*Bi hêzkirina yekîtî û wekheviya gelê kurd û tirk berpirsiyariyek dîrokî ye. Bi qasî vê girîngiya dîrokî ew qas jî ji bo siberoja hemû gelan diyarker û lezgîn e.
'NAVNÎŞAN MECLIS E'
* Ji bo serkeftina pêvajoyê divê hemû derdorên siyasî yên Tirkiyeyê, hesabên xwe yên biçûk û demkî dînin aliyekî û bibin xwedî înîsiyatif. Divê erêni tev bigerin û piştgiriyek erênî bidin pêvajoyê. Yek ji vê bingeha piştgiriyê bide jî Meclisa Millet a Tirkiyeyê (TBMM) ye.
'ÇARESERÎ ÊDÎ NAYÊ TALOQKIRIN'
* Geşedanên li Gazze û Suriyeyê nîşan daye ku bi mudaxaleyên derve yên ku dixwazin pirsgirêkan bikin pençeşêr, pirsgirêk çareser nabe. Çareseriya vê pirsgirêkê êdî nayê taloqkirin. Divê bi vê zanîn û cidîyetê bi xebatek rast û hevsengî, piştgiriya muxalefetê ji bo çareseriyê girîn e.
* Ez jî xwedî wê zanebûn û biryardariyê me ku ji hêla erênî ve piştgiriyê bidim paradîgmaya ku birêz Bahçelî û birêz Erdogan hêz didinê.
'EZ AMADE ME GAVÊN ERÊNÎ Û POZÎTÎF BIAVÊJIM"
* Heyet dê vê nêzîkatiya min bi dewlet û derdorên siyasî re parve bike. Di vê çarçoveyê de ez amade me ku gavên erênî û pozitif bavêjim. Ez amade me ku bang bikim.
* Ev hemû hewldanên me, ew e ku em welêt bigînin asta ku tê xwestin. Di heman demê de ji bo guhertinek demokratîk dê bibe rêberek bi qîmet.
'DEM DEMA AŞTÎ Û DEMOKRASIYÊ YE'
*Dem ji bo Tirkiye û herêmê dema aştî, demokrasî, wekhevî û xwişk û biratiyê ye.