Diyarname
Serdozgeriya Komarê ya Stenbolê der bare derhêner Kazim Oz de lêpirsîn da dest pê kirin. Derhêner Kazim Oz dagihand ku ji ber fîlmê wî "Zer" ku li ser Youtube belav kiriye, lêpirsîn hatiye dest pê kirin.
Dozgerî îdîa dike ku wî bi vî fîlmî "propagandaya rêxistinê" kiriye û ji bo îfadeyê wî bigire dozgerî gazî Kazim Oz kiriye. 
Kazim Oz derhêner û sazkarê fîlmê "Zer" e. Wî di sala 2017'an de ev fîlm kişandibû. Oz li ser meseleyê wisa got, "Wê demê Wezareta Çandê piştgirî da vî fîlmî, heman wezaretê xwest hin sehneyan sansur bikim û niha jî bi vekirina dozê dixwazin ceza bikin; ligel ku berê dozek derbarê min de vebûbû û min beraet kiribû jî. Diyar e ku dozger dixwazin hin tiştan bikin."
Oz dibêje fîlmê Zer ne fîlmekî propagandayê ye û dibêje, "Ger hûn diwazin fîlmên propagandayê binêrin li TRT'ya xwe vekin. Fîlmekî ku di qada navneteweyî de hatiye nîşandayîn, xelat girtiye, dozvekirina li ser nîşandayîna wî ya li Youtubeyê nîşan dide ku li welatê me di warê hunerê de sansur û otosansur gihîştiye kîjan astê. Lê em hunermendên azad emê ne destûrê bidin sansura we, ne jî otosansura xwe. Fîlmê min ê di youtube de tê nîşandayîn sûc têde heye tune ye biryar a raya giştî ye. Min di îfadeyê xwe de jî got ez derhêner im, ezê kîjan mijarê hilbijêrim, kîjan mijarê vebêjim ez biryarê didim."
 

**

Nûçeya Eleqedar:
- Kazim Oz çend roj berê li ser Zer, sansur û otosansurê axivî bû

***

"3 Deqe ligel Cemil Oguz"