Diyarname
Bi dehan parêzer li ber AYM'ê (Dadgeha Zagona Bingehîn) ya Tirkiyeyê hatin ba hev û bang li AYM'ê kirin: "Berpirsiya xwe bîne cih."
Ji gelek bajaran bi dehan parêzer li Enqereyê li ber AYM'ê hatin ba hev. Parêzerên rêberên PKK'ê Abdullah Ocalan serî li AYM'ê dabûn û xwestibû AYM peywira xwe bîne cih. Ji ber ku ji AYM'ê deng derneketibû îro li ber avahiyê hatin ba hev.
Serokên Baroyan, parêzerên Ocalan, Mebûsên DEM Partî jî di nav de bi dehan parêzer li ber avahiyê bû. Parêzeran pankanta "Li Îmralî bila hiqûq bê bicihanîn, dawî li tecrîdê bînin" vekirin.
Li ser navê komê Hevserokê OHD'ê parêzer Serhat Çakmak daxuyanî xwend û got li Îmraliyê mafê Ocan ê hiqûqî, mafê bingehîn û azadiya wî her tê binpêkirin.
Parêzeran got ku AYM hemû serîlêdanên me taloq dike û wisa bêbandor dike û gotin, "Bi taybetî agahî negirtin, serdana malbatan bi sedemên xapînok, bi cezayên bingeha wê ya zagonî û madî nîn e tê redkirin. Di 9 salan de bi ser 50 de serîlêdan li AYM'ê hatine kirin lê AYM der barê Îmralî de û rewşên tecrîtê ku her diçe girantir dibe de bersivê nade û dibe sedem ev bêhiquqî bidome."
Parêzeran rêgezên bingehîn ên mafên mirovan û ên di Dadgeha Bingehîn de bibîr xistin û gotin ku AYM bi lezgînî divê biryarê bide.