Diyarname
Artêşa ÎSraîlê di êrîşa duh de Sekreterê Giştî yê Hîzbullahê Hesen Nasrallah kuşt. Îsraîlê ev yek duh eşkere kir, Hîzbullahê îro qebûl kir.
Ji duh de çi bû, dê çi biqewqime?
- Îsraîlê got ligel Nasrallah wan serleşkerekî din ê bilind ê Hizbullahê Eli Karakî jî kuştiye.
- Kuştina Nasrallah nîşan da ku Îsraîl xwedî îstîxbaratekî xurt e.
- Rayedarên ji Îsraîlê ji bo Times of Israelê gotiye "Ji bo tevgera bejayi li Lubnanê çênebe wan 'Keleha Hîsbullahê' Dahiye kiriye hedef.
- Heman çavkanî gotiye, "Plana Îranê ya ku dewleta Îsraîlê heta 2040'î ji binî ve têk bibe hebûye, wan ev plan bi dest xistiye, Nasrallah jî wekî kesek girîng ê di nav vê planê de bû."
- Tê gotin ku Seyyîd Haşim Seyfeddin dê bikeve cihê Nasrallahî. Seyfeddin ev 32 sal in Hizbullahê bi rê ve dibe. DYA'yê di sala 2017'an de Seyfeddîn girtibû nav lîsteya terorê.
- Hêzên Parastina Îsraîlê (IDF) eşkere kir ku di demên dawî de wan zincîra rêve.beriya Hîzbullahê şikandiye.
- Li aliyê din ji Enstîtuya Whashingtonê Hanin Ghaddar ji bo CNN'ê gotiye "Hîzbullahê fuzeyên menzîldirêj ên di destên xwe de hê bikar neanîne."
- Ji Zanîngeha Cardiff a Gallerê Amal Saad jî ji bo "Hîzbullahê her çiqas derbeyeke mezin xwaribe jî dê operasyonên xwe bidomîne, şerî bidomîne."
Hesen Nasrallah kî bû?
- Nasrallah roja 31'ê gelawêja 1960'î li Burc Hamud a Beyrûdê hatiye dinê. Sala 1975'an dema şerê navxweyî ya Lubnanê de Nasralah ligel malbata xwe vegeriya gundê el-Bazuriye ku girêdayî bajarê wî Sûrê ye. Ew li wê derê beşdarî Tevgela Emel a Şiî bû. Paşê di dibistana ku rêberê Tevgera Emel Abbas Musevî ava kir de xwend. 
Dema Îsraîl di sala 1982'yan de ket Lubnanê, ew jî beşdarî Hîzbullahê bû. Dema 1992'yan de Musevi ji aliyê Îsraîlê ve hat kuştin, ew roja 12'yê reşemiya 1992'Yan ji bo sekreteriya giştî hat hilbjartin. Di sala 2006'an de jî Îsraîlê ofîsek ku Nasrallah çend saet berê li wir bû bomber kir, lê Nasrallah sax filitî.
Di sala 2000'î de bi piştgiriya Îranê Hizbullah ket nav tevgerê û başûrê Lubnanê ji Îsraîlê girt. Piştî 22 salan ev der ket destê Hîzbullahê, vê yekê jî ir ku Nasrallah bibe xwedî paye.
Hamasê roja 7'ê kewçêra 2023'yan bi navê "Tûfana Aksa" êrîşê sivîlên Îsraîlê kiribû û ji wê rojê de pevçûna di navbera her duyan de didome. Nasrallah piştgiriya xwe ji bo "Tûfa Aksa" eşkere kiribû.