Diyarname
Lîstikvanê navdar Gazanfer Ozcan îro li nexweşxaneyê jiyana xwe ji dest da.

Lîstikvan Gazanfer Ozcan di 27'ê rêbendana 1931'ê de li Stenbolê hat dinê. Wî li Beyogluyê dibistana navîn û dûre Lîseya Vefayê xwend. Ew dema di lîseyê de bû di lîstika "Hisse-i Şayia" de, di rola Bican Efendî de lîst û ji wê rojê de di nav vî karî de ye.

Ozcan ji sala 1952'yan ve heta niha bi awayekî aktîf di nava karê şano û sînemayê de ye. Ozcan di sala 1962'yan de bi Gonul Ulku re zewicî û wan bi hev re "Şanogeha Gonul Ulku - Gazanfer Ozcan" ava kir.

Gazanfer Ozcan heta niha di dehan lîstikên şano û fîlmên sînemayê de lîst. Ozcan herî dawî di rêzefîlmê bi navê "Avrupa Yakasi" de dilîst.

Ozcan ji ber nexweşiya nerehetiya pişikê û xitimandina rehan rakiribûn neweşxaneyê û di êvara 17'ê reşemiyê de li nexweşxaneyê jiyana xwe ji dest da.