Amed
Saziyên piştgir, endamên Lijneya Bilind a Îştîşareyê (LBÎ), Serokê Amed Sporê û rêveberên wê li DTSO'yê civîneke çapepemiyê lidar xistin. 
Serokê Klûba Amed Sporê Aziz Elaldi jî beşdar bû. Serokê Rêveberiya LBÎ Burç Baysal axivî û got ku Amed Spor di sala 2023-24'an de bûye şampiyon, bûye sedema kêfxweşiya me hemûyan.
Baysal got, "Yên ku dil dane Amedspora me, yên di nav daxwaza dinyayeke hê bi edalet û yê xweştir de ne bila bizanibin ku tu tiştek veşarî ku ev klûb neyne ziman, hesabê wê nede tune ye."
Baysal qala her du hefteyên pêşîn ên di Lîga 1'emîn de kir û got ku em dizanin me ji van her du hefteyan encamên baş negirtine, lê bila bê zanîn ku hemû piştgirên klûba me di nav telafîkirina vê de ne; li aliyê din em hê li ser destpêka rêyê ne.
Baysal li ser nîqaşên rojên dawî di tora civakî de wisa got, "Hemû hevkarên kluba me xwedî maf in ku mafê gotinê bigirin, pêşniyaran bikin, piştgiriya pozîtîf bidin. Ev mafê wan e, kes nikare ji dest wan bigire û di heman demê li hemberî klûbê û piştgirên klûbê berpirsiyarî ye. Ligel vê jî li tora civakî û li qadên din bêyî guh bidin çanda nîqaş-muzakereyên nav klûbê, kirine ku bandorê li klûbê bikin, serokê klûbê û rêveberên wê kirine hedef, ev yek bêyî zirara ji bo klûbê bi kêrî tiştek din rayê. Ev nêzîktêdayînên ku guh nadin ev rêgezên klûba me, nayên qebûlkirin."
Piştî daxuyaniyê, Serokê klûbê Elaldi li ser bilêtên sexte, transfer û meseleya stadê bersiva rojnamegeran da.
ÊRÎŞÊ ALÎGIRÊN AMEDSPORÊ KIRIN
Li aliyê din îro li Nevşehîra Tirkiyeyê hin karkerên ji Amedê formaya Amedsporê li xwe kiribûn rastî êrîşê hatin. Bi çek û bi kêran êrîşê karkeran kirin, 3 karker birîndar bûn.
Amedsporê li ser vê yekê daxuyaniyeke nivîskî belav kir û bûyer şermezar kir. Klûbê got, "Emê mafê alîgirên xwe biparêzin. Heta edalet bê cih emê mijarê bişopînin."