Diyarname
Li Fransayê di dora yekemîn de rastgiran deng bilind kiribûn, vê tirsê bandor li dora diduyan kir: Çepgir bi serketin.
Li Fransayê ji bo dora diduyan îro hilbijartin hebû. Li gorî encamên ne fermî îtîfaqa çepgir "Eniya Gel a Nû" bi ser ket. Ligel vê jî encamên pêşîn nîşan didin ku tu partî di Meclîsa Neteweyî ku baskê jêrîn ê Parlamentoya Fransayê ye, piraniyê kursiyan bi dest nexistiye. 
Berî hilbijartinê tirs ew bû ku Yekîtiya Neteweyî (RN) ya rastgir a tundrew bi ser bikeve. Li hemberî vê Serokomarê Fransayê Macron bang li hilbijêran kiribû. RN negihîşt mirazê xwe û di rêza sêyemîn de ma.
Li vê meclisa ku nav "Meclisa Neteweyî" ye 577 kursî hene. Li gor texmînan dê hevkêşeyeke wisa li meclisê saz bibe:
- Eniya Gel a Nû: 182-193 kursî
- Hevpeymaniya "Bi Hev Re ji bo Komarê" (Serokomarê Fransayê Emmanuel Macron piştgirî dide vê): 157-163 kursî.
- Yekîtiya Neteweyî (NN): 136-144 kursî
- Partiya Komarxwazan a navenda rastê (beşek ji vê piştgiriya RN'yê dike): 67 kursî.
Piştî van encaman Serokwezîrê Fransayê Gabriel Attal ragihand ku ew ê sibe îstîfaya xwe pêşkêşî Serokomarê Fransayê Macron bike.
'EM AMADE NE WELAT BI RÊ VE BIBIN'
Ji partiyan li Eniya Gel a Nû, Serokê Fransaya Serî Natewîne Jean-Luc Melenchon piştî encaman daxuyanî da û got, "Gere Serokomar Macron peywira sazkirina hikumetê bide me. Em amade ne welat bi rê ve bibin."
JI DEM PARTÎ PÎROZBAHÎ
Li aliyê di piştî belavbûna agahiyan DEM Partî bi ser hesabê we yê X'ê re peyara pîrozbahiyê ji bo Eniya Gel a Nû belav kir.