Diyarname

Sê meşvanên aşitiyê yên li dijî polîtîkayên şer dema xwestin ji Beykozê ber bi Şemzînanê ve bimeşin hatibûn binçavkirin, piştî çend saetan hatin berdan. Meşvan meşa xwe didomînin.

Sê meşvanên aştiyê Vedaü Çamli, Mustafa Aksoy û Resul Kalyoncu îro xwestin ji Beykoza Stenbolê ji bo daxwaza aştiyê xwestin bikevin rê. Li gor planê dê meşa wan heta Şemzînana Culemêrgê dom bikira lê hatin binçavkirin. Piştî çend saetan hatin berdan û wan meşa xwe dom kir. Sedema binçavkirinê "Meş, rê li ber provakasyonê vedike" hat nîşandayîn û her wiha  Midûriyeta Polîsan a Beykozê jî mebesta binçavkirina wan wekî îxbar û parvekirinên wan ên di Facebookê nîşan dan. 

Her sê meşvanan got "Roj roja berxwedanê ye" û bang li her kesî kir ku deng bidin wan.