Diyarname

Şerê di navbera Îsraîl û Hamasê de bandorê li qada nivîsê jî dike. Di Fûara Pirtûkan a Frankfûrtê de ji bo nivîskara filistînî Adania Shibli merasima xelatdayînê hebû lê ev yek hat betalkirin. 

Komeleya Litpromê ev merasima xelatdayînê betal kir. Xelata wêjeyê LiBeraturpreis dê bidana nivîskara filistînî Shinli. 

Shinli bi navê "Kîteyeke biçûk" pirtûkek nivîsandibû. Di pirtûkê de bûyer di sala 1949'an de derbas dibe. Bûyer li ser kuştin û tecavuzê ye ku leşkerên Îsraîlê bûye sedem. Nivîskar Shinli ji bo vê pirtûka xwe dihat xelatkirin. Lê piştî êrîşa Hamasê ya 7'ê kewçêra 2023'yan rewş guherî û organîzatoran jî ev merasim betal kir.

Komeleyê jî ev agahî belav kir: "Her sal di fûarê de ev xelat dihat dayîn lê ji ber şerê ku Hamasê daye dest pê kirin di fûarê de ev xelat dê neyê dayîn, di dîrokek nû ya li pêş me de bi formateke guncav û rewşek guncav de bê dayin."

Piştî biryara betalkirina merasimê gelek nivîskaran bertek nîşan dan.

Yekîtiya Weşangerên Serbixwe yên Navneteweyî dijî vê betalkirinê bertek nîşan da.

75'emîn Fûara a Frankfurtê 18'ê mehê vedibe û heta 22'yê mehê li dar e.

Kurd jî beşdarî vê fûarê dibin. Nivîskarê malpera me Helîm Yûsiv jî bi romana xwe "99 Morîkên Belavbûyî" ku ji bo almanî hatiye wergerandin dê li fuarê be.

***

Nûçeya Eleqedar:

-'99 Morîkên Belavbûyî' bi almanî li Pêşangeha Pirtûkan a Frankfûrtê ye