Diyarname

Pirtûkek nû ji bo zarokan derket, "Berçem". Pirtûka Hasan Kiliç çîroka zarokek bi zimanê xwe nizane lê dema vedigere cem pîrika xwe û hewla hînbûnê tîne ziman.

Weşanxaneyeke nû li pêşberî qada weşangeriya kurdî ye: Sîn. Weşanxaneya Sîn bi navê "Berçem" pirtûka xwe ya yekemîn derxist. Ev pirtûka ji bo zarokan ji aliyê Hasan Kiliç ve hatiye nivîsandin. Wêneyên nav pirtûkê Besna Acu û Mustafa Temel xêz kirine.

Pirtûk bi gotina "Delalok û şîrînokên malan, de werin em bi hev re çîroka navê Berçemê bixwînin û bibin hevalên Berçemê" hatiye pêşkêş kirin.

Berçema ku dema tê dinê malbata wê bar dike Stenbolê û dema dibe şeş salî ji ber nexweşiya pîrika wê ligel malbatê vedigere warê xwe lê bi kurdî nizane.

Pirtûk çîroka Berçemê, hevalên wê, pîrika wê pêşkêş dike. Berçem di dawiya pirtûkê de dê hînê zimanê xwe bibe? Pirtûk xwendevanan dixe dû vê pirsê.

Nivîskar Hasan Kiliç bi van gotinan pirtûka xwe diyarî Cemile Cagirca kiriye: "Diyarî Cemile Çagirca dikim ku termê wê bi rojan li sarincê de ma."

Wekî nota dawî, ji bo zarokan derxistina pirtûkan girîng e, lê li aliyê din ve hêja ye ku mirov ji bo zarokan hinek din bi baldar be.

Hasan Kiliç kî ye?

Nivîskar Hasan Kiliç di sala 1994'an de li gundê Mistefamilik yê Qosera Mêrdînê hatiye dinê. Di sala 2016'an de hatiye girtin, cezayê muebetê lê birîne. Dosyaya wî hê li Dadgeha Bilind e. Ew niha li Girtîgeha Ewlekariya Bilind a Eregliya Konyaya Tirkiyeyê ye.

- Berçem / Hasan Kiliç / Weşanên Sîn / 2023 / Zarok / 95 rûpel

**

DIBE KU EV NÛÇE JÎ BALA TE BIKIŞÎNIN (Sernavê bitikîne):

- Li Kerkûkê kurd bi çend lîsteyan dikevin hilbijartinê?

- 30 sal, weşandina hemû berheman û 5 berhemên nû

- 'Kerwan' a Reşîdê Kurd gihîşt ber destê xwendevanan 

- Piştî şer yekem hejmara Playboy derket

- Lahûr Şêx Cengî li ser Kerkûk û herêmên bi nakok peyamek belav kir 

- Di 30 salên dawî de çend pirtûkên kurdî çap bûne?

- Çîroka jiyana Xedarê kurd li benda we ye

- Pêşbaziya Huseyîn Çelebî kete 30 saliya xwe

- 2022: Hemû pirtûkên bi kurdî yên salê

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.