Diyarname
Kongreya Amed Sporê îro li Tesîsên Şeyhmus Ozer a Amedê li dar ket. Piştî sazbûna diwana kongreyê, kongre bi awayekî fermî dest pê kir.
Li ser navê rêveberiya heyî Serokê Amed Sporê rapora rêveberiyê xwend. Li gor raporê vê rêveberiyê bi temamî 44 mîlyon û 721 hezar hatiye xerckirin. Ji vê 24 mîlyon û 500 hezar ji bo Tîma A hatiye xerckirin.
DEYNÊN AMED SPORÊ
Di vê demê de deynên Amed Sporê 8 mîlyon û 500 hezar in. Ji vî pereyî 3 mîlyon deyn ji bo lîstikvanên profesyonel heye. Rêveberiya heyî bi 7 mîlyon û 560 hezar deyn dewr girtibû, bi 8 mîlyon û 500 hezarî dewr kir.
ELALDI BÛ SEROK
Di kongreyê de yek lîste hebû. Lîsteya di bin serokatiya karsaz Azil Elaldi de bi dengên delegeyan hat hilbijartin. Di lîsteyê de van kesan wekî endamên lijneya rêveberiyê cih girt: Ahmet Elhanay, Yusuf Kaya, Ali Riza Yildirim, Ahmet Ulmez, Cihan Yaman, Salih Pervane, Rojin Hillez, Bulent Oguz, Mehmet Akgun, Ruken Turhan, Mervan Aslan, Selçuk Sacu, Veysi Koyun, Sozdar Ayata, Faysal Tosun, Remzi Dindar, Emrullah Guclu.”
Hin axaftinên ji kongreyê:
Serokê Lijneya Îşteşareyê Burc Baysal
Amed SPor ne tenê tîma Amedê ye, ji bo kesên bi wijdan, yên ku nirxên Amedê hildigirin, em tîm ê wan hemûyan e.
Ez sipasiya Serok Selahattin Yildirim û Rêveberî dikim. Salek dijwar bû. Tîm derket play-offê, tîma jinan jî derket play-offê.
Tîma me Engelsiz Basketbol derket lîgek jortir, sipasiya wan dikim. Digel hemû derfetên kêm ev klûb têkoşînê dide, lê rayedarên bajêr piştgirî nadin; bifikirin ku tîma me derketiye lîgek jortir jî peyamek belav nekirine.
Mele Zayid (bi kurdî axivî):
Em mele pir diaxivin, lê di vê kongreyê de em li we guhdarî bikin baştir e. Dema Amed tê gotin qelbê hemû însanên ligel gel e qelbê wan lê dide. Em dibêjin bila ser xêrê be
Li ser navê KESK'a Amedê jî Sîrac Çelik bi kirmanckî (zazakî) axivî: Ma bêrê têhet û ma bibê jo. Selahattin başkanî va, ma îçiligo agir ra da xwu ra, erê heme kesê miyanê enî micadelî de yê, ê îçiligî danê xwu ra. Ma gere bibê jo. Bi ene jo ma go bi ser bikoy.
Serokê DTSO'yê Mehmet Kaya:
Dema em hatin ser kar me got emê heta dawî xwedî li vî tîmê bajêr derkevin. Loma jî ez sipasiya hemû saziyên me yên sivîl dikin. Em astê bilindtir dikin. Heta niha ligel 6 serokan em xebitîn. Du salên paşê ye em derdikevin Play-offan lê ji ber bêsiûdî em dewam nakin. Lê dîsa jî hêzeke xurt heye ku li pişt tîmê ye. Ev gelek girîng e. Em wekî saziya DTSO'yê jî wisa tevdigerin. Em wisa bajarek in ku em xwe bi xwe têra xwe hene ne.
Niha tu binêrî di hemû lîgan de rêveberiyên herêmî piştgirî didin tîman, lê tenê piştgirî nadin Amed Sporê, tenê Amed Spor ji rêveberiyên herêmî yên Amedê piştgirî nagire.
Baweriya min ev e ku îsal emê lîga heyî biterikînin û derkevin lîgek jortir. Derfetê me heye ku em serketinê bilindtir bikin.