Diyarname

Di Premier Lîgê de maçên hefteya 37'an hatin lîstin, lê lîderê lîgê Manchester City (MC) maça xwe ya 36'an lîst. Û bû şampiyon.

Duh tîma duyemîn Arsenal têk çûbû û di 81 pûanan de mabû. MC ku xwediyê 85 pûanan bû berî maçê bilîze, berî lîg xilas bibe bûbû şampiyon jî. Û ev şampiyon îro bi vê payeyê derket maça xwe ya ligel Chalseayê. Bi gola Julian Alvarez a di deqîqeya 12'yan de MC'yê maç bi 1-0 bi dest xist û bi 88 pûanan îro kûpaya xwe ya şampiyoniyê girt.

Teknîk Dîrektor Pep Guardiola îro bi lîstikvanên yêdek derketibû maçê ji ber ku jixwe bûbûn şampiyon. Lê tîma yêdek qet "xwezî bi tîma bingehîn" neanî. Piştî maçê merasima girtina kûpayê li dar ket. Kûpa di destê kaptan ILkay Gundogan de bilind bû.

BÛ ŞIRÎKÊ REKORA M.UNITED

Manchester City di bin rêberiya Pep Guardiola de bû 3 salan ser hev de dibe şampiyon. Di lîga Îngilistanê Premier Ligê de heta niha tenê Manchester United 3 caran ser hev de bûbû şampiyon, niha MC bû şirîkê vê rekorê.

Îhtîmala ku MC îsal 3 kûpaya bibe mala xwe heye. Niha kûpaya lîgê girt. 3'yê meha pêşiya me di fînala FA Cupê de ligel Manchester Unitedê dê bilîze. Û di fînala Lîga Şampiyonan a UEFA'yê de jî li hemberî Interê 10'ê mehê dê bilîze.

GUARDIOLA REKORAN DIŞIKÎNE

Teknîk Dîrektor Pep Guardiola îsal bû 14 sal teknîk dîrektor e. Di van 15 salan xwe de bû 11 car dibe şampiyon. Heta niha 3 caran li Barselonayê, 3 caran li Bayer Munihê û bû 5 caran jî li MC'yê dibe şampiyon.

Guandiola li dinyayê sêyemîn teknîk dîrektorê herî zêde kûpa girtiye. 

Teknîk dîrektor Alex Ferguson di dîroka teknîk dîrektoriya xwe de 39 kûpa girtine û di rêza yekemîn de ye. Paşê Mirca Mircea Lucescu tê ku 35 kûpa girtine. Û Guardiola bi 33 kûpaya di rêza duyemîn de ye. Guardiola ji herduyan hindiktir teknîk dîrektorî kiriye û wisa bidome, îhtîmala derbaskerina herduyan li rê ye.

**

Nûçeyên Eleqedar:

- MC'yê got: Tîma salê ez im, ezê herim Stenbolê

- Guardiola dest bi rêwîtiyek nû dike: Rê ber bi Manchester City ve

- Guardiola 2 serê bînî zî etiya wo

- Guardiola Îngilistan de jî dest eyşt kûpa  

- Di 14 salan de 31 kûpa û ber bi lûtkeyê ve

- Li Premier Lîgê Şampiyon Manchester City ye

- Ji ber 'Peyama siyasî' ceza dan Guardiola