Diyarname
Hefteya dawî bû, tenê pûanek ferq hebû di navbera yekemîn û duyemînê de. 90 deqîqeyî dê encam diyar bikira û Manchester City bû şampiyon.
Li Premier Lîgê maçan bi heyecan dest pê kir. Li Etihadê tîma Manchester City (MC) ji bo şampiyoniyê amade bû. Lê li hemberî wê Aston Villa hebû. Li ser jî teknîk dîrektorê wan Steven Gerard bû ku kaptanê berê yê Liverpoolê bû. Miheqeq wî dê bixesta City têk bibe û şampiyonî bide tîma xwe ya berê. Ev yek ji bo MC dezavantaj bû. Bi vî awayî maçê dest pê kir. MC’yê bi lez dest pê kir, hemû temaşevan li pişt bûn lê nekarî golê biavêje. Bi ser de jî di deqîqeya 37’an de ji Matty Cash golek xwar û nîv saetê pêşî bi 1-0 bi dawî bû.
ZINCHENKO Û GUNDOGAN MAÇ GUHART
MC bi guherandina lîstikvanekî dest bi maçê kir: Ji defansê Fernandinho derxist û Oleksandr Zinçenko yê ku lîstikvanê navika sehayê ye xist maçê. Vê yekê nîşan da ku tîm dixwaze bi ser bikeve.
MC bi êrîşan dest bi nîveka duyemîn kir lê Aston Villayê ber xwe dida. Guardiolayê di deqîqeya 56’an de Mahrez derxist û lîstikvanekî hê bi lez, hê êrîşkar Sterling xist sehayê. City li benda golê bû lê di deqîqeya 69'an de Coutinho golek din avêt û dengê hemû Etihadê, dengê temaşevanên City birî. City di nav zehmetiyê de bû, hêvî şikiya bû, yan jî divê sêrke bihata kirin.
Guardiola vê carê Bernardo Silva derxist û Îlkay Gundogan xist sehayê û her tişt piştî vê hemleyê dest pê kir. Gundogan di deqîqeya 76’an de bi serî li gogê da û hêvî xist dilê tîma xwe. Li Etihadê rewş guherî bû, heyecan carek din hatibû û bi rastî jî hat.
Bi ser vê gola yekemîn re hê du deqe derbas nebûbû Zinchenko gog şand derveyî sehayê ji bo Rodri û Rodri bi awayekî efsanewî lê da û encam kir 2-2. Bi ser vê re jî 3 deqe derbas nebûn, di deqîqeya 81’ê de vê carê kaptan Bruyne derket ser dikê. Bruyne bi kaptaniya xwe gog ajot, ket nava pêş sehayê û gog gindirand. Helbet li aliyê paş Îlkay Gundogan carek din got "ez heme": 3-2. Vê yekê têra City dikir. Lê golek bixwara hemû dinyaya wan dê xira biba.
Di deqîqeyên dawî de her City xweş ber xwe da, bi gogê lîst, gog parast, xwe parast, keleha xwe parast û 90 deqe xilas: Şampiyon Manchester City.
Bi firfiroka hakêm re temamê temaşevanan ketin nava sehayê, ligel lîstikvanan şampiyonî pîroz kirin. Li aliyê din Pep Guardiola bi firfirokê re wisa hestiyar bû û di cih de hêstirên wî hatin xwarê. Guardiola di cih de baz da hundir.
Piştî çend deqîqeyên ku temaşevan li nava sehayê man, anons hat kirin ku temaşevan herin cihê xwe, di cih de temaşevan çûn cihê xwe û seremoniya şampiyoniyê dest pê kir.
Li aliyê din Liverpool her çiqas li hemberî
11 SALAN DE 6 ŞAMPIYONÎ
Şampiyonê Preimer Ligê Manchester City di sala 1880’ê de hatiye avakirin. Bi vê yekê City bû 8 caran di Premier Ligê de dibe şampiyon. Û ji van şampiyonan 6 şampiyonî di 11 salên dawî de girt. MC di salên 1936-37, 1967-68, 2011-12, 2013-14, 2017-18, 2018-19, 2020-21 û îsal di serdema 2021-22’yan de bû şampiyon.
HIN ÎSTATÎSTÎK
Îstatîstîkên City jî muhîm in. Berî vê maçê di 27 maçên dawî de tenê carek têk çûbû. Di 11 maçên dawî de qet têk neçûbû
Ji roja ku Guardiola hatiye ser kar MC di hefteya dawî de qet têk neçûbû. Bi vê hêviyê hatibû vê maçê û dîsa bi vê hêviyê hefteya xwe bi dawî kir.
REKOR KET DESTÊ GUAORDIOLA
Teknîk Dîrektor Pep Guardiola jî paragrafekî heq dike: Guardiola piştî serketinên li Barselona û Bayer Munihê, di sala 2016’an de li City hat ser kar. Di van 6 salan de 4 caran tîm kir şampiyon. Bi vê rekor şikand. Li Premier Lîgê bi 4 şampiyoniyan ew teknîk dîrektorê biyanî ye ku herî zêde bûye şampiyon. Biyanî û yên îngilîz di nav de jî piştî Aleks Fergusson (13 caran) duyemîn teknîk dîrektore ku zêrde bûye şampiyon.
LIVERPOOL, CHELSEA Û TOTTENHAM DIÇIN EWROPAYÊ
Li aliyê din Liverpool li hemberî Wolverhamptonê bi 3-1 bi ser ket lê serketina Ctiy nehişt tiştek biguhere. City bi 93, Liverpolê jî lîg bi 92 pûanan bi duyemînî temam kir. Chelsea bi 74 pûanan, Tottenhamê bi 71 pûanan lîg temam kir û sala bê de di Lîga Şampiyonan a UEFA’yê de bilîzin. Arsenal bi 69 phuanan 5 û Manchester United bi 58 pûanan wekî 6’emînê lîgê bilêthe çûyîna Lîga Ewropayê girt. West Ham United jî bi 56 pûanan di rêza 7’emîn de ma. Ew jî dê here Lîga Konferansê.
BURNLEY ÇÛ
Di vê navberê de berî hefte dest pê bike ji du tîman Burnley û Leeds United bi 35 pûanan bû û ajarajê Burnley hebû lê dina ji bo Burnley negeriya: Burnley li mala xwe li hemberî Newcastle United bi 2-1 têk çû, bi ser de Leeds Unitedê li deplasmanê Brentfod bi 2-1 têk bir û Burnley ji lîgê ket.
Nûçeya Eleqedar:
- Dilê Îngilistanê îro di Premier Lîgê de lê dide