Diyarname

Salman Ruşdî ku 9 meh berê di encama êrîşa bi kêrê de çavekî wî kor bûbû; piştî tedawiya bi mehan cara ewil derket pêşberî kamerayan. Nivîskarê ku bi pirtûka "Beytên Şeytanî" beşdarî Galaya Wêjeyî ya PEN'a Amerîkayê ya 2023'yan bû, got: "Ez xwe niwaze hîs dikim."

Romanûsê Hindî yê 75 salî Ruşdî 18'ê mehê beşdarî galaya Wêjeyî ya PEN'a Amerîka ya 2023'yan bû ku li Muzeya Neteweyî ya Dîroka Amerîkayê li New Yorkê hat lidarxistin.

"EZ XWE NUWAZE HÎS DIKIM"

Ruşdî ku ji bo girtina xelatê derket ser dikê got; "Ez xwe nuwaze hîs dikim. Têkiliya min demek dirêj e bi PEN'a Amerîkayê re heye, ez kêfxweş im ku di nava nivîskar û pirtûkfiroşan de me."

Nivîskar Salman Ruşdî ku par beşdarî çalakiyeke ku li bajarê New Yorkê bû, rastî êrîşekê hat û 15 birînên kêrê li laşê wî vebûn, yek jê li stûyê wî ket. Di encama êrîşê de çavekî wî jî kor bû. Piştî neh mehan cara ewil derket pêşberî kamerayan.

Di çalakiyê de ew û jina xwe Rachel Eliza Griffiths, li ser xalîçeya sor poz da kamerayan.

ÇI QEWIMÎ BÛ?

Salman Ruşdî yê ku ev demeke dirêj e li bajarê New Yorkê dijî, di 12'yê Gelawêja 2022'an de dema ku li Enstîtuya Chautauqua ya li nêzî Buffaloyê li ser podiumê bû ji aliyê êrîşkar Hadî Matarê ê 24 salî ve rastî

êrîşa bi kêrê hat.

Fetwaya mirina Salman Ruşdî ji aliyê Ayetullah Xumeynî yê serokê rejîma Îranê ve hatibû dayîn ku bi pirtûka xwe ya bi navê “Ayetên Şeytanî” ku di salên 1980'î de nivîsandibû, wî demî nerazîbûn û bertekên alema Îslamê kişandibûn ser xwe.