AMED
Zimanzanê ji Zanîngeha Seleheddînê Dr. Mahmud Osman Hewramî got; "Divê zimanzanên li 4 parçeyên Kurdistanê dijîn û akademîsyenên ziman bên ba hev û zimaneke hevpar derxînin holê."
2'yemîn rûniştina Konferansa Zimanê Kurdî ya bi tevlîbûna zimanzanên li Tirkiye, Kafkasya, Herêma Federal a Kurdistanê, Sûriye û gelek welatên Ewropayê hatiye lidar xistin, bi panelekê destpê kir.
Di panela ku Mahmud Nêsite modetorî kir de, ji Zanîngeha Seleheddînê Zimanzan Dr. Mahmud Osman Hewramî, nivîskar Îhsan Êspar û Dilşa Yûsif axivîn.
Gelek zimanzan, siyasetmedar û nivîskar jî tevlî panelê bûn. Dr. Hewramî di panelê de axivî û got; "Di pergala dewletan de yek ziman heye. Lewma derfeta pêşxistina tu zimanên din nayê qebûlkirin. Ji ber ku ev pergal totalîter in nahêlin zimanên din bijîn û dikevin nava hewldana helandina zimanên din.
'Kurdên li 4 parçeyan bila zimaneke hevpar biafirînin'
Hewramî, anî ziman ku di feraseta netewî ne yêk ziman e û wiha axivî: "Neteweyek gelek zimanan di nava xwe de dihewîne. Di pergalên bi vî rengî de zimaneke hevpar xwezayî ye. Lewma divê di her qadekê de tevî zimanê perwerdehî û hîndekariyê ev ziman li hemû deverên jiyanê bên axaftin. Ji ber ku kurd hatine parçekirin li ser erdnîgariya kurdan zimanên cuda hene. Ev ziman jî di bin desthilatdariya wan dewletan de tên axaftin. Ev yek jî bixwe re zimanên cuda derdixe holê. Ji bo ku ev cudahî ji holê rabe divê bingeha zimaneke hevpar bê afirandin û zimanzan û akademîsyen bên ba hev, her wiha vê bingehê saz bikin."
Dilşa Yûsif di axaftina xwe de li ser komên zimanê kurdî sekinî û got; "Zaravaya zazakî di nav koma goranî de ye lê divê zaravaya kurmancî bê lêkolînkirin."
Konferans bi nirxandina pirsgirêkên zimanê kurdî berdewam dike.
Konferansa Ziman roja 4'ê adarê dê bi dawî bibe.
Ji DÎHA'yê hatiye girtin
***
Nûçeyê eleqedar:
- DÎTINEK LI KONFERANSA ZIMANÊ KURDÎ YA NETEWEYÎ
- Ji Konferansa Ziman çend notên roja yekemîn
- Konferansa Zimanê Kurdî dest pê kir