Diyarname
Wê di jiyana xwe de 415 xelat girtine û wekî "stranbêja herî zêde xelat girtine" ketiye nav Pirtûka Rekoran Guinnessê. û di roja 11.02.2012'yan de li Los Angelesê di hotelê de mirî hate dîtin. Em qala hunermenda amerîkî Whitney Houston dikin.

Wekî gelek hunermendan di nav jiyana wê de jî xirecir, daketin û bilind bûn hebû. Lê dengê wê her bilind bû. Ev stran jî yek ji wan stranan e ku bi dengê wê yê mikemel hatiye vegotin.

Em strana wê "I Will Always Love You" ku di sala 1992'yan de di fîlmê ""The Bodyguard" de gotibû dikin Klîba Hefteyê û pêşkêş dikin. Houston di vî fîlmî de bi Kevin Costner re serlîstikvaniya fîlm jî kiribû.

Berî pêşkêşkirina klîbê agahiyeke din: Merasima cenazeya Whitney Houston roja 18'ê mehê li New Jersey a DYA'yê hate kirin. Alicia Keys, Kevin Costner, Stevie Wonder û Clive Davis jî di nav de gelek navdar beşdar bûn û cenaze dê 19'ê mehê bê binaxkirin.

Û fermo klîba Houston:

***

Nûçeya eleqedar:

- Whitney Houston mirî hat dîtin