Diyarname

Derhêner Christopher Nolan ku heta niha fîlmên navdar ên wekî Memento, Inception, Batman kişandibûn vê carê balê dikişîne mijarake din a balkêş. Nolan li ser çêkirina bombeya atomê dê fîlmê xwe yê nû bikişîne. Fîlmê bi navê “Oppenheimer” dê temaşevanan bibe nav dîroka atomê. Li gor bernamyê fîlm dê roja 23’yê tîrmeha 2023’yan bikeve vîzyonê.

Fîlm ji pirtûka Kai Bird û mArtin J. Sherwin ‘American Prometheus: The Triumph and Tragedy of J. Robert Oppenheimer’ hatiye girtin. Di sala 2006’an de wan ev pirtûka otobiyogrofîk nivîsandbûn û bi vê Xelata Pulitzer girtibûn. Niha ev pirtûk dibe mijara fîlm.

Mijara bingehîn a fîlmî îcada bombeya atomê ye û navenda wê de jî çîroka fîzîkzan J. Robert Oppenheimer heye ku ew wekî afirînerê vê bombeyê tê zanîn.

Di salên 1942-1946’an de li DYA’yê Projeya Manhattanê hat çêkirin ku ev proje ji bo çêkirina çekên nukleler bû. Oppenheimer jî yek ji kesên herî zêde ked da vê projeyê bû, loma jî ew wekî afirîner tê hesibandin. Li Laboratuara Lob Alamos bombe bi awayekî fizîkî hatibûn bi cih kirin ku Oppenheimer dîrektorê vê beşê bû.

Di fîlm de rola Oppenheimer lîstikvanê îrlandî Cllian Murphy girtiye ser milên xwe. Rolaü jina Oppenheimer Kitty Openheimer jî Emily Blunt dilîze.

Di rola Jean Tatlock de Florence Pugh, di rola Kitty Oppenheimer, di rola Lewis Strauss de Robert Downey Jr., di rola Leslie Groves Jr. de jî Matt Doman dilîze. Her wiha rola Serokdewletê DYA’yê yê wê demê Harry S. Truman de jî Gary Oldman girtiye ser milên xwe.