AYGUL YILDIZ

Li Guatamalayê arşîvên polîsan yên dema şerê qirêj ku di salên 1960-96'an de di bin navê têkoşîna bi terorîzmê re hatibû weşandin li ser înternetê hatin weşandin. Çav li rê ye ku bi vî avayî gelek bûyerên îşkence, winda û înfazên bê darazindin bên ronîkirin.

Dokumanên nêzî 80 mîlyon rûpel in ku li ser xebata Zanîngeha Teksasê bi tesadufî di sala 2005'an de eşkere bûbûn bê tu astengî wê li ser înternetê bên weşandin.

Di nava belgeyan de her wiha dosyayên deqkirina 900 hezar kesan jî hene. Li Guatamalayê di şerê 36 salan dewam kir de 250 hezar kesan jiyana xwe ji dest dabû. Di sala 2005'an de Saziya Mafên Mirovan a Guatamalayê di depoyek cebirxaneya hatiye terikandin de arşîvên polîsan peyda kiribû. Li welat, di navbera salên 1960-96'an de 45 hezar kes di bin çavan de hatin windakirin. Di rapora Komîsyona Lêkolînkirina Heqîqetan de hatibû gotin ku gelek kesên hatine kuştin nêzî baragehên leşkerî hatine definkirin.

Wê pêşî 13 mîlyon belge bên weşandin. Di van belgeyan de zabitên dema lêpirsînê, wêneyên kesên hatine kuştin û belgeyên din hene. Par bi saya van belgeyan kujerên sendîqevan Fernando Garcia hatin peyda kirin û polîsek teqawîtbûyî 40 sal ceza girt.

Di dema darizandina general Hector Lopez ku bi kuştina 300 sivîlan tê tewanbarkirin de jî gelek alîkar bû.

Arşiv wê di destpêka sala 2012'yan ve li ser înternetê bêne pêşkêş kirin.

ANF