Diyarname

Di 29’emîn Festîvala Fîlman a Gûzeka Zêrîn a Edeneyê de fîlmê “Ela ile Hilmi ve Ali” bi ser ket. Fîlmî ligel Xelata Fîlmê Herî Serketî, Derhêner, Senaryo û Lîstikvana Herî Serketî jî di nav de 7 xelat girtin û mora xwe li şevê da.

Festîla ku Şaredariya Bajarê Mezin a Edeneyê li dar dixe 12’yê mehê dest pê kir û 18’ê mehê bi dawî bû. Fîllmên ku di pêşbaziyê de bi ser ketin bi merasimek hatin xelat kirin. Merasim li Navenda Kongre ya Zanîngeha Çukurova li dar ket û Yetkin Dikinciler û Meltem Cumbul pêşkêşvaniya wê kir. Di şevê de Cahit Berkay û orkestraya wî konserek kurt pêşkêş kirin.

Di beşa Pêşbaziya Neteweyî ku 8 fîlm têde hebûn de fîlmê derhêner Ziya Demirel ê bi navê “Ela ile Hilmi ve Ali” xelata Fîlmê Herî Serketî girt.

Di festîvalê de îsal Xelata Yilmaz Guney nehat dayîn. Serokê Juriyê Ozcan Alper derket ser dikê û diyar kir ku wan fîlmekî ku dengê yên nayên bihîstin dide bihîstin û nasnameyên çînî û meylên cinsî bi derfetên sînemayê tîne ziman, li gor xwe dide fikirîn û nîşandan, ligel pirsgikêrên hatine veşartin têkilî datîne, ji ber ku me fîlmekî di vê çarçoveyê de nedîtiye em îsal xelata ku li ser navê Yilmaz Guney tê dayîn nadin.

Va ne hemû fîlmên hatine belavkirin:

- Fîlmê Herî Serketî: Ela ile Hilmi ve Ali - Ziya Demirel

- Derhêner Herî Serketî: Ela ile Hilmi ve Ali - Ziya Demirel

- Senaryoya Herî Serketî: Ela ile Hilmi ve Ali - Ziya Demirel û Nazlı Elif Durlu

- Xelata Taybet a Juriyê: Kabahat - Umran Safter

- Lîstikvana Herî Serketî: Ela ile Hilmi ve Ali - Bana Karanligini Anlat / Ece Yuksel - Aslihan Gurbuz

- Lîstikvanê Herî Serketî:  Çilingir Sofrası - Ahmet Rıfat Şungar û Bariş Gonenen

- Muzîkê Herî Serketî: Bana Karanligini Anlat - Taner Yucel

- Derhênerê/a Dîmenê yê/a Herî Serketî: Çilingir Sofrasi - Engin Ozkaya

- Derhênerê/a Hunerê yê/a Herî Serketî:: Ela ile Hilmi ve Ali - Gulay Dogan

- Vesazkirina Herî Serketî: Ela ile Hilmi ve Ali - Selda Taşkin û Henrique Cartaxo

- Lîstikvana Duyemîn a Herî Serketî: Kabahat - Ece Demirtürk

- Lîstikvanê Duyemîn ê Herî Serketî: Mendirek - Alihan Kaya

- Lîstikvana Ciwan a Hêviyê dide ya serketî: Kabahat - Mina Demirtaş

- Lîstikvanê Ciwan ê Hêviyê dide yê serketî: Ela ile Hilmi ve Ali - Denizhan Akbaba

- Xelata Komeleya Derhênerên Fîlman a Derhênerê Herî Serketî: Cem Demirer - Mendirek

- Xelata Cuneyt Cebenoyan a Siyadê ya Fîlmê Herî Serketî: Çilingir Sofrası - Ali Kemal Guven

- Xelata Temaşevanên Edeneyê: Suna - Çigdem Sezgin

- Belgefîlmê Herî Serketî: Koşe Başi Beklerim - Derhêner Neslihan Kultur

- Ji bo belgefîlm Xelata Taybet a Juriyê: Herkes Topraga Gomulur, Ben Suya - Derhêner Fethullan Çelik

**

Nûçeyên Eleqedar:

- Fîlmên Kazim Oz çima nagirin Festîvala Edeneyê? 

- Fîlmên Pêşbaziya Gûzeka Zêrîn diyar bûn 

- Ewê serketiyên Gûzeka Zêrîn diyar bikin 

- Gûzeka Zêrîn li benda fîlman e